பாராளுமன்றம் இன்று கூடவுள்ளது

பாராளுமன்றம் இன்று 1.00 மணிக்கு கூடவுள்ளது. ஜனாதிபதியினால் பாராளுமன்றத்தில் முன்வைக்கப்பட்ட அரசாங்கத்தின் கொள்கை அறிக்கை மீதான ஒத்திவைப்பு வேளை விவாதம் 9, 10, 12 ஆம் திகதிகளில் நடத்தப்படும் என நேற்று நடைபெற்ற கட்சித் தலைவர்கள் கூட்டத்தில் தீர்மானிக்கப்பட்டது. இதன்படி, இன்று பிற்பகல் 1.00 மணிக்கு பாராளுமன்றம் கூடவுள்ள நிலையில், மாலை 4.30 மணி வரை விவாதம் இடம்பெறவுள்ளது. 

 அத்துடன் எதிர்வரும் 10 மற்றும் 12 ஆம் திகதிகளில் காலை 10.00 மணி முதல் மாலை 4.30 மணி வரை பாராளுமன்றம் கூடவுள்ளது. இந்த விவாதம் ஒத்திவைப்பு விவாதம் என்பதால், விவாதத்தின் முடிவில் வாக்கெடுப்பு நடத்தப்படாது. 2022ஆம் ஆண்டுக்கான 2021ஆம் ஆண்டின் 30ஆம் இலக்க ஒதுக்கீட்டுச் சட்டம் தொடர்பான திருத்தச் சட்டமூலம் இன்று பாராளுமன்றத்தில் சமர்ப்பிக்கப்படவுள்ளதுடன், அரசியலமைப்பின் 22ஆவது திருத்தம் 10ஆம் திகதி பாராளுமன்றத்தில் சமர்ப்பிக்கப்படவுள்ளது.