இலங்கை-நெதர்லாந்து விமான சேவை ஒப்பந்தம் கைச்சாத்து

நெதர்லாந்துக்கும் இலங்கைக்கும் இடையில் இரு தரப்பு விமான சேவை ஒப்பந்தம் புதன்கிழமை (22) ஹேக்கில் கைச்சாத்திடப்பட்டுள்ளதாக ஹேக்கில் உள்ள இலங்கைத் தூதரகம் அறிவித்துள்ளது. இரு நாடுகளுக்கும் ஐரோப்பிய மற்றும் ஆசிய பிராந்தியங்களுக்கும் இடையிலான தொடர்பைத் தீவிரப்படுத்த இந்த ஒப்பந்தம் வலுவான தளத்தை வழங்கும் என்று தூதரகம் அறிக்கை ஒன்றில் தெரிவித்துள்ளது. 

 நெதர்லாந்துக்கான இலங்கையின் தூதுவர் அருணி ரணராஜா மற்றும் நெதர்லாந்து உட்கட்டமைப்பு மற்றும் நீர் முகாமைத்துவ அமைச்சின் சிவில் விமானப் போக்குவரத்துக்கான பதில் பணிப்பாளர் நாயகம் எச்.வான் பாசென் ஆகியோர் இந்த ஒப்பந்தத்தில் கைச்சாத்திட்டனர்