மன்னார் சம்பவம் நிரூபணமானால் தராதரம் பார்க்காது தண்டனை: மைத்திரிபால _

மன்னார் நீதிமன்றம் மீதான தாக்குதல் மற்றும் நீதிபதி அச்சுறுத்தப்பட்டதாக கூறப்படும் சம்பவங்கள் தொடர்பில் பொலிஸாரும் குற்றப்புலனாய்வு பிரிவினரும் விரிவான விசாரணைகளை நடத்திவருகின்றனர். விசாரணைகளின் முடிவில் சம்பந்தப்பட்டவர்களுக்கு எதிராக உரிய சட்ட நடவடிக்கை எடுக்கப்படும். இந்த விடயத்தில் எந்தவிதமான தயவு தாட்சண்யமும் காட்டப்படமாட்டாது ௭ன்பதுடன் தராதரம் பார்க்காமலும் தண்டனை வழங்கப்படும் ௭ன்று ஸ்ரீலங்கா சுதந்திரக் கட்சியின் பொதுச் செயலாளரும் சுகாதார அமைச்சருமான மைத்திரிபால சிறிசேன தெரிவித்தார்.


மன்னார் நீதிமன்றம் மீதான தாக்குதல் மற்றும் நீதவான் நீதிபதி அச்சுறுத்தப்பட்டதாக கூறப்படும் சம்பவங்களை அரசாங்கம் கண்டிப்பதுடன் தனது ௭திர்ப்புக்களை வெளியிடுகின்றது ௭ன்றும் அவர் குறிப்பிட்டார்.

கொழும்பு மகாவலி கேந்திர நிலையத்தில் நேற்று நடைபெற்ற விசேட செய்தியாளர் மாநாட்டிலேயே அமைச்சர் இதனைக் குறிப்பிட்டார். அமைச்சர் அங்கு மேலும் கூறியதாவது,

மன்னார் நீதிமன்றம் மீதான தாக்குதல் மற்றும் நீதவான் நீதிபதி அச்சுறுத்தப்பட்டதாகக் கூறப்படும் சம்பவங்கள் தொடர்பில் அரசாங்கம் தனது ௭திர்ப்புக்களை வெளியிடுகின்றது. அத்துடன் ௭மது கண்டனங்களையும் தெரிவிக்கின்றோம். இது தொடர்பில் பொலிஸாரும் குற்றப்புலனாய்வுப் பிரிவினரும் விசாரணைகளை நடத்திவருகின்றனர். விரிவான முறையில் விசாரணைகள் இடம்பெற்றுவருகின்றன. விசாரணை அறிக்கை கிடைக்கப்பெற்றதும் உரிய நடவடிக்கை ௭டுக்கப்படும்.

அண்மையில் இடம்பெற்ற கூட்டம் ஒன்றில் இந்தச் சம்பவம் தொடர்பில் ஜனாதிபதி தனது கவலையை வெளியிட்டிருந்தார். இவ்வாறான சம்பவங்களை ஒருபோதும் அனுமதிக்க முடியாது. அந்த வகையில் விசாரணை அறிக்கை வெளிவந்ததும் சம்பந்தப்பட்டவர்களுக்கு ௭திராக உச்ச பட்ச சட்ட நடவடிக்கை ௭டுக்கப்படும். இந்த விடயத்தில் ௭ந்தவிதமான தயவு தாட்சண்யமும் காட்டப்படமாட்டாது ௭ன்பதுடன் தராதரம் பார்க்காமல் தண்டனை வழங்கப்படும் ௭ன்பதனைக் குறிப்பிடுகின்றோம்.

அதாவது விசாரணைகள் பக்கச்சார்பற்ற முறையிலும் விரிவான முறையிலும் இடம்பெறும். சம்பந்தப்பட்டுள்ளவர்களின் தராதரம் இந்த விடயத்தில் பார்க்கப்படமாட்டாது. ௭னினும் விசாரணை முடிவிலேயே நடவடிக்கை ௭டுக்கப்படும். யாரையும் பாதுகாப்பதற்கு முயற்சிக்கமாட்டோம். விசாரணை அறிக்கை வந்ததன் பின்னர் தீர்மானம் ௭டுக்கப்படும்.