மன்னாரில் முச்சக்கர வண்டி தரிப்பிடத்திற்கு புதிய இடம் ஒதுக்கீடு

மன்னாரில் முச்சக்கர வண்டி தரிப்பிடத்திற்கு நிரந்தரமான இடம் இதுவரை இல்லாத நிலையில் மன்னார் நகரசபை புதிய ஒரு தரிப்பிடத்தை மன்னார் சிறுவர் பூங்காவிற்கு அருகில் ஓதுக்கியுள்ளதாக மன்னார் நகரசபை உறுப்பினர் இரட்ணசிங்கம் குமரேஸ் தெரிவித்தார்.


 மன்னாரில் முச்சக்கர வண்டி ஓட்டுனர்கள் தமது முச்சக்கர வண்டிகளை நிறுத்தி வைப்பதற்கு ஒரு நிறந்தர தரிப்பிடம் இல்லாத நிலையில் தொடர்ந்தும் பல்வேறு பிரச்சினைகளை எதிர்கொண்டு வந்தனர்.

 இதேவேளை, முச்சக்கர வண்டி தொடர்பில் மன்னார் நகர சபைக்கு தொடர்ந்தும் பல்வேறு முறைப்பாடுகள் கிடைத்த வண்ணம் இருந்தது.

இந்நிலையில் குறித்த பிரச்சினைகளை தீர்க்கும் முகமாக மன்னார் நகரசபை மன்னாரில் நிறந்தரமான முச்சக்கர வண்டி தரிப்பிடம் ஒன்றை அமைப்பதற்கு முடிவெடுத்த நிலையில் அரச, தனியார் பேருந்து நிலையத்தை மையப்படுத்தி மன்னார் சிறுவர் பூங்காவிற்கு அருகில் குறித்த இடத்தை ஒதுக்கியுள்ளது.

 இவ்விடத்தை புனர்நிர்மானம் செய்து ஒப்படைக்கப்படவுள்ளதாகவும் இதற்காண சகல நடவடிக்கைகளையும் மன்னார் நகர சபையின் உறுப்பினர்கள் மேறகொண்டு வருவதாகவும் நகர சபையின் உறுப்பினர் இரட்ணசிங்கம் குமரேஸ் மேலும் தெரிவித்தார்.