எயிட்ஸ் தினத்தையொட்டி விழிப்புணர்வு ஊர்வலம்

உலக எயிட்ஸ் தினத்தையொட்டி  மன்னார் பிராந்திய சுகாதார சேவைகள் பணிமனை ஏற்பாடு செய்திருந்த விழிப்புணர்வு ஊர்வலம் நேற்று வெள்ளிக்கிழமை (21-12-2012)காலை 9 மணியளவில் இடம் பெற்றது. 

 மன்னார் தாழ்வுபாடு பிரதான வீதியில் அமைந்துள்ள மன்னார் பிராந்திய சுகாதார சேவைகள் பணிமனையில் ஆரம்பமான குறித்த ஊர்வலம் மன்னார் வைத்தியசாலை வீதியூடாக சென்று மன்னார் பஸார் பகுதியை சென்றடைந்தது. 

 பின் அங்கிருந்து மன்னார் பொது விளையாட்டு மைதான வீதியூடாக மீண்டும் மன்னார் பிராந்திய சுகாதார சேவைகள் பணிமனையை சென்றடைந்தது. இதன் போது மன்னார் பிராந்திய சுகாதார சேவைகள் பணிப்பாளர்,பொது சுகாதார வைத்திய அதிகாரிகள்,வைத்தியர்கள் உற்பட பல நூற்றுக்கணக்கானவர்கள் கலந்து கொண்டனர்.

 ஊர்வலத்தில் கலந்து கொண்டவர்கள் மக்களுக்கு வழிப்புணர்வை ஏற்படுத்தும் வகையில் பதாதைகளை ஏந்திவாறு சென்றதோடு மக்களுக்கு அறிவுறுத்தும் வகையில் துண்டுப்பிரசுரங்களும் வழங்கி வைக்கப்பட்டது.