மன்னார் - கல்லடித்தீவு கடற்கரையில் ஹெரோயின்

மன்னார் - கல்லடித்தீவு கடற்கரை பகுதியில் மறைத்து வைக்கப்பட்டிருந்த 905 கிராம் ஹெரோயினை கடற்படையினர் கண்டுபிடித்துள்ளனர். 

தமக்கு கிடைக்கப்பெற்ற இரகசிய தகவலை அடுத்து இந்த ஹெரோயின் மீட்கப்பட்டதாக கடற்படையினர் தெரிவித்தனர். 

கடல் வழியாக போதைப் பொருள் கடத்தும் திட்டத்தை தடுக்கும் நோக்கில் நாடு முழுவதும் மேற்கொள்ளப்படும் தேடுதல் நடவடிக்கையின் ஒரு கட்டமாக நேற்று மேற்கொள்ளப்பட்ட தேடுதலில் இவ் ஹெரோயின் மீட்கப்பட்டுள்ளது.