மன்னாரில் இலவச மருத்துவ சேவை

வன்னி பாதுகாப்பு நடவடிக்கை தலைமையகத்தின் ஏற்பாட்டில்  மன்னாரில் இலவச இருதய நோய் மருத்துவ சேவை நடைபெறவுள்ளது. 

மன்னார் வைத்தியசாலையில் நாளைமறுதினம் செவ்வாய்க்கிழமை காலை 8.30 மணியிலிருந்து மாலை 4 மணிவரை இந்த இலவச மருத்துவ சேவை நடைபெறவுள்ளது.

வன்னி பாதுகாப்பு நடவடிக்கை தலைமையகத்தின் தளபதியும் இடம்பெயர்ந்தவர்களை மீளக்குடியமர்த்தும் பிரதம அதிகாரியும் சிங்க ரெஜிமெண்; படைப்பிரிவின் கட்டளை அதிகாரியுமான மேஜர் ஜெனரல்  எம்.எச்.எஸ்.பொனிபஸ் பெரேராவின் ஆலோசனைக்கு அமைய இந்த இலவச மருத்துவ சேவை நடைபெறவுள்ளது.

இந்த இலவச மருத்து சேவையில்  கொழும்பு தேசிய வைத்தியசாலையின் விசேட வைத்திய நிபுணர்கள் கலந்துகொண்டு தங்களது சேவைகளை வழங்கவுள்ளனர்.