முழு நிலா,கலை விழா நிகழ்வு இம்முறை மன்னார் முருங்கனில்.

முழு நிலா,கலை விழா நிகழ்வு இம்முறை மன்னார் முருங்கன் ம.வி பாடசாலையில் எதிர்வரும் 24 ஆம் திகதி (24-05-2013)  நடாத்துவதற்கான  ஏற்பாடுகள் மேற்கொள்ளப்பட்டுள்ளதாக மன்னார் வலயக்கல்விப்பணிப்பாளர் எம்.எம்.சியான் தெரிவித்தார்.

பிரதேசங்களில் காணப்படுகின்ற கலை,பண்பாடு,விழுமியங்களை கட்டிக்காக்கும் முகமாகவும்,அவற்றை இன்றைய இளையோருக்கு பரப்பும் முகமாகவே குறித்த நிகழ்வுகள் நடாத்தப்படவுள்ளதாக அவர் தெரிவித்தார்.

-வடமாகாணத்தில் உள்ள 12 கல்வி வலயங்களில் மன்னார் கல்வி வலயம் இம்முறை இந்த நிகழ்வுக்காக தெரிவு செய்யப்பட்டுள்ளது.

இந்த நிகழ்வில் பல கலைஞர்கள் கௌரவிக்கப்படவுள்ளனர்.

மாவட்ட ரீதியாகவும்,தேசிய ரீதியாகவும் இவர்கள் கொளவிக்கப்படவுள்ளனர்.

-நாட்டுக்கூத்து,மேடை நாடகங்கள் உற்பட பல நிகழ்வுகளில் சாதனை புரிந்த சாதனையாளர்கள் இந்த நிகழ்வில் கௌரவிக்கப்படவுள்ளதாக மன்னார் வலயக்கல்விப்பணிப்பாளர் எம்.எம்.சியான் மேலும் தெரிவித்தார்.