மன்னார் தேசிய இளைஞர் சேவைகள் மன்றத்தின் இளைஞர் விருது வழங்கல் விழா 2013.

மன்னார் தேசிய இளைஞர் சேவைகள் மன்றத்தின் 2013 ஆம் ஆண்டிற்கான  இளைஞர் விருது வழங்கல்  விழா நேற்று வெள்ளிக்கிழமை காலை மன்னார் நகர சபை மண்டபத்தில் மாவட்ட இளைஞர் சேவை அதிகாரி ரவிக்குமார் தலைமையில் இடம் பெற்றது.


இதன் போது தேசிய இளைஞர் சேவைகள் மன்றத்திற்கு என பாடுபட்ட இளைஞர் யுவதிகள்,அதிகாரிகள் விருது வழஙகி கௌரவிக்கப்பட்டனர்.

குறித்த நிகழ்விற்கு பிரதம அதிதியாக தேசிய இளைஞர் சேவைகள் மன்றத்தின் வன்னி மாவட்ட பணிப்பாளர் என்.எம்.முனவ்பர்,அதிதிகளாக  மன்னார்,மாந்தை மேற்கு பிரதேசச் செயலாளர்கள்,பாடசாலை அதிபர்கள் ஆகியோர் கலந்து கொண்டனர்.

இதன் போது பட்டிமன்றம் உற்பட சிறப்பு நிகழ்ச்சிகளும் இடம் பெற்றது.குறித்த நிகழ்விற்கு தேசிய இளைஞர் சேவைகள் மன்றத்தில் அங்கம் வகித்துள்ள இளைஞர் யுவதிகள் உற்பட பாடசாலை மாணவர்களும் கலந்து கொண்டிருந்தமை குறிப்பிடத்தக்கது.