நாடு முழுவதும் வெங்காயத்திற்கு தட்டுப்பாடு

நாடு முழுவதிலும் வெங்காயத்திற்கு தட்டுப்பாடு ஏற்பட்டுள்ளதாக நுகர்வோர் அதிகாரசபை நடத்திய பரிசோதனைகளின் மூலம் தெரியவந்துள்ளது. வெங்காயம் இறக்குமதி செய்யப்படும் இந்தியா, பாகிஸ்தான் ஆகிய நாடுகளில் நிலவி வரும் பிரச்சினைகளே இதற்கான காரணம் எனத் தெரிவிக்கப்படுகிறது. 

 பாகிஸ்தானில் லொறி சாரதிகள் வேலை நிறுத்தப் போராட்டமொன்றில் ஈடுபட்டுள்ளதாகவும், இந்தியா வெங்காய இறக்குமதியை வரையறுத்துள்ளதாகவும் குறிப்பிடப்படுகிறது. வெங்காயத்திற்கு காணப்படும் பற்றாக்குறையை சாதகமாகப் பயன்படுத்தி விலையை உயர்த்த சிலர் முயற்சித்து வருவதாக நுகர்வோர் அதிகாரசபை தெரிவித்துள்ளது.

 வெங்காயத்திற்கான தட்டுப்பாடு தற்காலிகமானது விரைவில் இந்தப் பிரச்சினைக்கு தீர்வு காணப்படும் என நுகர்வோர் விவகார அமைச்சர் ஜொன்ஸ்டன் பெர்னாண்டோ தெரிவித்துள்ளார். உள்நாட்டில் வெங்காய அறுவடை ஆரம்பிக்கப்பட்டுள்ளதாகவும் விரைவில் பற்றாக்குறைக்கு தீர்வு வழங்கப்படும் எனவும் அவர் குறிப்பிட்டுள்ளார்.