வெளியேறியது ராஜஸ்தான் ரோயல்ஸ் : சென்னையுடன் நாளை மோதுகிறது பெங்களூர்

எட்­டா­வது ஐ.பி.எல். வெளி­யேற்றப் பிரிவு போட்டி புனேவில் நேற்று நடந்­தது. இந்­தப்­போட்­டியில் ராஜஸ்தான் அணி 71 ஓட்­டங்­களால் பெங்­க­ளூ­ரிடம் வீழ்ந்து நடப்பு ஐ.பி.எல். இல் இருந்து வெளி­யே­றி­யது. வெற்­றி­பெற்ற கோலி தலை­மை­யி­லான பெங்­களூர் அணி இறு­திப்­போட்­டிக்கு நுழை­வ­தற்­கான போட்­டியில் நாளை சென்­னையை எதிர்­கொள்­கி­றது. நேற்று இரவு 8 மணிக்கு ஆரம்­ப­மான இந்­தப்­போட்­டியில் நாணய சுழற்­சியில் வெற்­றி­பெற்ற பெங்­களூர் அணித் தலைவர் கோலி முதலில் துடுப்­பெ­டுத்­தாடத் தீர்­மா­னித்தார். அதன்­படி அதி­ரடி ஆட்­டக்­காரர் கிரிஸ் கெய்ல், கோலி ஆகியோர் தொடக்க வீரர்­க­ளாக களம் இறங்­கி­னார்கள். கெய்ல் அதி­ர­டி­யாக விளை­யா­டு­வ­தற்கு வச­தி­யாக கோஹ்லி சற்று நிதா­ன­மாக ஆடினார். ஆனால் கெய்லால் அதி­ர­டி­யாக விளை­யாட முடி­ய­வில்லை. இதனால் அவர் 26 பந்தில் 27 ஓட்­டங்கள் எடுத்து ஆட்­ட­மி­ழந்தார். அதில் 4 பவுண்­டரி, ஒரு சிக்ஸர் அடங்கும். மறு­மு­னையில் விளை­யா­டிய கோஹ்லி 18 பந்துகளில் 12 ஓட்­டங்­க­ளுடன் ஆட்­ட­மி­ழந்தார். இந்த இரண்டு விக்­கெட்­டு­க­ளையும் குல்­கர்னி வீழ்த்­தினார். அப்­போது பெங்­களூர் அணி 7.3 ஓவரில் 46 ஓட்­டங்கள் எடுத்து தத்­த­ளித்­துக்­கொண்­டி­ருந்­தது. மூன்­றா­வது விக்­கெட்­டுக்கு டிவில்­லியர்ஸ்- மந்தீப் சிங் ஜோடி சேர்ந்­தனர். இந்த ஜோடி முதலில் நிதா­ன­மாக விளை­யா­டி­யது. பின்னர் அதி­ரடி காட்­டினர். 10-ஆவது ஓவரில் 13 ஓட்­டங்கள் எடுத்த இந்த ஜோடி 12ஆவது ஓவரில் 12 ஓட்­டங்­களை எடுத்­தது. 15ஆ-வது ஓவரில் டி வில்­லியர்ஸ் இரண்டு சிக்ஸர், ஒரு பவுண்­டரி அடிக்க அந்த ஓவரில் பெங்­களூர் அணிக்கு 19 ஓட்­டங்கள் கிடைத்­தன. அதன்பின் ஒரு ஓவ­ருக்கு சரா­ச­ரி­யாக 10 ஓட்­டங்­க­ளுக்கு மேல் எடுத்­தனர். மோரிஸ் வீசிய 18ஆ-வது ஓவரில் டி வில்­லியர்ஸ் இரண்டு இமா­லய சிக்ஸர் விளா­சினார். 19-ஆவது ஓவரில் டி வில்­லியர்ஸ் ரன் அவுட் ஆனார். அவர் 38 பந்துகளில் 4 பவுண்­டரி, 4 சிக்ஸர் விலா­சினார். அந்த ஓவ­ரி­லேயே மந்தீப் சிங் ஒரு சிக்சர், ஒரு பவுண்­டரி அடித்து அரை சதத்தை கடந்தார். கடைசி ஓவரில் 11 ஓட்­டங்கள் எடுக்க பெங்­களூர் அணி நிர்­ண­யிக்­கப்­பட்ட 20 ஓவர்களில் 4 விக்கெட் இழப்­பிற்கு 180 ஓட்­டங்­களைக் குவித்­தது. மந்தீப் சர்மா 34 பந்தில் 7 பவுண்­டரிஇ இரண்டு சிக்­ஸ­ருடன் 54 ஓட்­டங்­களை எடுத்து கடைசி வரை ஆட்­ட­மி­ழக்­காமல் இருந்தார். 181 ஓட்­டங்கள் எடுத்தால் வெற்றி என்ற இலக்­குடன் கள­மி­றங்­கிய ராஜஸ்தான் அணி 19 ஓவர்­களில் 109 ஓட்­டங்­க­ளுக்கு சகல விக்­கெட்­டுக்­க­ளையும் பறி­கொ­டுத்துஇ 71 ஓட்­டங்­களால் தோல்­வியைத் தழு­விக்­கொண்­டது. ராஜஸ்தான் அணியின் ரஹானே 42 ஓட்­டங்­க­ளையும் வொட்சன் 10, ஸ்மித் 12, நாயர் 12, ஹுடா 11 ஓட்­டங்கள் வீதம் பெற்­றுக்­கொண்­டது. ஏனைய வீரர்கள் அனை­வரும் ஒற்றை இலக்க ஓட்­டத்­துடன் ஆட்­ட­மி­ழந்­தனர். இரண்டு வீரர்கள் ஓட்­ட­மேதும் பெறாத நிலையில் ஆட்டமிழந்தனர். இந்த தோல்வியோடு ராஜஸ்தான் அணி நடப்பு ஐ.பி.எல். தொடரிலிருந்து வெளியேறுகிறது. ஏற்கனேவே மும்பை அணியிடம் தோல்வியுற்ற சென்னை அணியுடன் பெங்களூர் அணி மோதவுள்ளது. இந்தப்போட்டியில் வெற்றிபெறும் அணி இறுதிப்போட்டியில் மும்பையுடன் சம்பியன் பட்டத்திற்காக மோதும்.