செவ்­வாயின் முப்­ப­ரி­மாண புகைப்­ப­டங்­களை அனுப்­பி­யது மங்­கள்யான்...

செவ்வாய் கிர­கத்தின் வியக்க வைக்கும் முப்­ப­ரி­மாண தோற்­றங்­களைப் படம் பிடித்து அனுப்­பி­யுள்­ளது மங்­கள்யான் விண்­கலம். செவ்வாய் கிரக ஆராய்ச்­சிக்கு 74 மில்­லியன் டொலர் அதா­வது இந்­திய மதிப்பில் சுமார் 475 கோடி ரூபா செலவில், மங்­கள்யான் என்ற விண்­க­லத்தை கடந்த 2013 ஆம் ஆண்டு நவம்பர் மாதம் 5 ஆம் திகதி இந்­தியா விண்­வெ­ளிக்கு அனுப்­பி­யது.

இந்த விண்­கலம் திட்­ட­மிட்­ட­படி வெற்­றி­க­ர­மாக கடந்த ஆண்டு செப்­டம்பர் 24ஆம் திகதி செவ்வாய் கிர­கத்தின் சுற்­று­வட்ட பாதையில் செலுத்­தப்­பட்­டது. இதன்­மூலம் செவ்வாய் கிர­கத்தை முதல் முயற்­சி­யி­லேயே அடைந்த நாடு என்ற சாத­னையை இந்­தியா படைத்­தது.

செவ்­வாய்க்கு விண்­க­லத்தை அனுப்­பிய உலகின் 4 ஆவது நாடு என்ற பெரு­மையும் இந்­தி­யா­வுக்கு கிடைத்­தது. இது விண்­வெ­ளித்­து­றையில் இந்­தி­யா­வுக்கு உல­க­ளா­விய கௌ­ர­வத்தை பெற்று தந்­தது. இந்த மங்­கள்யான் விண்­கலம், தற்­போது செவ்வாய் கிர­கத்தை ஆராய்ந்து வரு­கி­றது.

அது தொடர்­பான படங்­க­ளையும் எடுத்து பூமிக்கு அனுப்பி வரு­கி­றது. மங்­கள்யான் விண்­க­லத்தில் "மார்ஸ் கலர் கேமரா" என்னும் கேமரா பொருத்­தப்­பட்­டுள்­ளது. இந்த கேமரா, செவ்வாய் கிர­கத்தின் முப்­ப­ரி­மாண படங்­களை கடந்த மாதம் 19 ஆம் திகதி எடுத்து அனுப்பி உள்­ளது.

அதில் செவ்வாய் கிர­கத்தில் உள்ள "ஓபிர் சஸ்மா" என்ற பள்­ளத்­தாக்கு இடம் பெற்­றுள்­ளது. "ஓபிர் சஸ்மா" பள்­ளத்­தாக்கின் சுவர்கள் பல அடுக்­கு­களை கொண்­ட­தாக அமைந்­துள்­ளன. அதன் தரைப்­ப­கு­தியும் அடுக்கு பொருட்­களின் சேக­ரிப்­பாக அமைந்­துள்­ளது.

இது தொடர்­பாக இந்­திய விண்­வெளி ஆராய்ச்சி அமைப்பு இஸ்ரோ வெளி­யிட்­டுள்ள செய்­திக்­கு­றிப்பில், "மங்­கள்யான் எடுத்து அனுப்­பி­யுள்ள இந்த படங்கள் ஆயி­ரத்து 857 கி.மீ. உய­ரத்தில் இருந்து எடுக்­கப்­பட்­டுள்­ளது" என கூறப்­பட்­டுள்­ளது. செவ்வாய் கிர­கத்தில் உள்ள பள்­ளத்­தாக்கை மங்­கள்யான் படங்கள் எடுத்து அனுப்பி இருப்­பதை பிர­தமர் நரேந்­திர மோடி, "ட்விட்டர்" பக்­கத்தில் பாராட்டி உள்ளார்.