ஒபாமாவின் குடும்ப வருமானம் எவ்வளவு?

அமெரிக்க ஜனாதிபதி ஒபாமா மற்றும் அவரது மனைவி மிட்செல் ஒபாமா ஆகியோர் கடந்த ஆண்டில் தாங்கள் சம்பாதித்தது எவ்வளவு என்பதற்கான வருவான வரிக்கணக்கை தெரிவித்துள்ளனர்.

இது தொடர்பாக வெள்ளை மாளிகையின் செய்திச் தொடர்பாளர் ஜோஷ் எர்னஸ்ட் தெரிவித்துள்ளதாவது, ஜனாதிபதி ஒபாமா மற்றும் அவரது மனைவி கூட்டாகத் தாக்கல் செய்துள்ள வருமான வரிக் கணக்கில் கடந்த 2015ஆம் ஆண்டு 4,36,065 டொலரை மொத்த வருவாயாக ஈட்டியதாகத் தெரிவித்துள்ளனர்.

மேலும், தங்களது வருவாயில் 81,472 டொலரை அவர்கள் வரியாக செலுத்தியுள்ளனர். 64,066 டாலரை 34 அறக்கட்டளைகளுக்கு நன்கொடையாக அளித்தனர். இந்த வகையில், ஒபாமா குடும்பத்தினரின் வருவாயில் 18.7 சதவீதம் வரிக்காகவும், 14.7 சதவீதம் நன்கொடைக்காகவும் செலவிடப்பட்டது. நாட்டின் வரி வருவாயில் பெரும் பணக்காரர்களின் பங்களிப்பை அதிகரிக்கவும், நடுத்தர வர்க்கத்தினருக்கு வரிச் சலுகைகளை அளிக்கவும் வகை செய்யும் சட்டத்தைக் கொண்டு வந்தவர் ஜனாதிபதி ஒபாமா.

அதன் அடிப்படையில், ஜனாதிபதி ஒபாமா தனது வருவாயில் கணிசமான பகுதியை வரியாகச் செலுத்தியுள்ளார் என்று அவர் தெரிவித்துள்ளார்.