மன்-மடுக்கரை அ. த.க பாடசாலையில்....தமிழமுது நண்பர்கள் வட்டம் அமைபினர்--படங்கள் இணைப்பு

மன்னார் மாவட்டத்தின் கல்விக்கான தனது சேவையினை தொடர்ந்துள்ள 

தமிழமுது நண்பர்கள் வட்டம் அமைபினர் புதிய வருடத்தில் இன்று 05-01-2017 தமது வரவை மன்-மடுக்கரை அ. த.க பாடசாலையில் உறுதி செய்தனர்.

இன்று 05-01-2017 காலை ஒன்று கூடலில் அதிபர் திரு A.M.J.E.சோசை அவர்களின் அனுமதியுடன் தெரிவுசெய்யப்பட்ட 10 மாணவர்களுக்கான பெறுமதியான பாடசாலைக்கற்றல் உபகரணங்கள் வழங்கி வைத்தனர்.

  J.நயன்  அவர்கள் தனது சொந்த நிதியில் இருந்து குறிப்பிட்ட பணத்தினை கொண்டு வாங்கிய கற்றல் உபகரணங்களை குறித்த 10 மாணவமாணவிகளுக்கு அன்பளிப்பாக வழங்கி வைத்தார்.
காலை 7-45 மணியளவில் இவ்நிகழ்வானது பாடசாலை வளாகத்தில் அதிபர் ஆசிரியர்கள் மாணவர்களுடன் இணைந்து தமிழமுது நண்பர்கள் வட்டம் அமைப்பினர் நிகழ்வை சிறப்பித்தனர்.

அதிபர் திரு A.M.J.E.சோசை தனதுரையில் எமது பாடசாலைக்கு வருகைதந்து குறித்த மாணவர்களுக்கான கற்றல் பொதியினை வழங்கிய இவ்வமைப்பினர்க்கு முதல்கண் நன்றிகள் அத்தோடு எங்களைப்போன்ற கிராமப்புறங்களில் உள்ள பாடசாலைகளை பொதுவாக யாருமே கண்டு கொள்வதில்லை ஒரு சிலரைத்தவிர ஆனால் எமக்கு நிறையத்தேவைகள் உள்ளது. அத்தேவைகளை நிவர்த்தி செய்து கொள்ள இவ்வாறான அமைப்புக்கள் முன்வர வேண்டும் எங்களைத்தேடிவந்து இவ்வாறான அன்பளிப்பினை வழங்கிய இவ்வமைப்பினரை அன்போடு பாடசாலைச்சமூகம் சார்பாக வாழ்த்தி நிற்கின்றோம்.

 இவர்களது பணி எங்களைப்போன்ற பாடசாலைகள் அனைத்திற்கும் கிடைக்கவேண்டும். அதற்கு இவ்வமைப்பு திறம்பட இயங்க வேண்டும் அதற்கு இறைவனிடம் பிராத்திக்கின்றோம்.

அமைப்பின் இயக்குநர் வை.கஜேந்திரன் தனதுரையில் நாம் இல்லாமல் இருப்போருக்கும் ஏழ்மை நிலையால்  கல்வி பாதிக்கப்படுகின்ற மாணவமாணவிகளை தெரிவு செய்து எம்மால் இயன்றளவு சிறிய அன்பளிப்புக்களை வழங்கி வருகின்றோம்

 எம்மோடு இன்னும் நண்பர்கள் இணைந்து கொண்டால் எமது சேவை தேவைப்படுவோருக்கு நிறைவாக கிடைக்க முயற்சி செய்வோம் முயற்சி செய் என்பதே எமது அமைப்பின் தாரகமந்திரம்.

 அமைப்பு சார்பாக J.நயன்  நன்றி நவிலலில் எமக்கு அனுமதி தந்த அதிபர் ஆசிரியர்கள் மாணவமாணவிகள் அனைவருக்கும் மனமார்ந்த நன்றிகள் அதேவேளை புலமைப்பரிட்சையில் அதிகபுள்ளிகளைப்பெறும் மாணவர்களை கௌரவபடுத்தவுள்ளோம் எல்லா மாணவர்களும் கல்வியில் கவனம் செலுத்தி நல்ல மாணவர்களாக உருவாக வேண்டும் என்பதே எமது விருப்பம் அதற்காகவே எம்மால் இயன்ற உதவிகளை நாம் செய்ய தயாராகவுள்ளோம் என்றார்.சிறப்பாக நிகழ்வு நிறைவுற்றது.