தாக்கத்தை ஏற்படுத்திய உலக தலைவர்கள் பட்டியலில் ட்ரம்ப், மோடி....

உலக அளவில் மக்கள் மத்தியில் அதிக தாக்கத்தை ஏற்படுத்திய தலைவர்கள் பட்டியலை ஆண்டுதோறும் அமெரிக்காவில் இருந்து வெளிவரும் பிரபல பத்திரிகையான டைம்ஸ் வெளியிட்டுவருகின்றது.

அந்த வகையில் இந்த ஆண்டும் மக்கள் மத்தியில் அதிக தாக்கத்தை ஏற்படுத்திய தலைவர்கள் பட்டியலை தயார் செய்துள்ளதாக தகவல்கள் வெளியாகியுள்ளது.

அந்த பட்டியலில் உலக அளவில் நூறு தலைவர்களின் பெயர்கள் இடம்பெறும். அந்த வகையில் 2016 ஆம் ஆண்டுக்கான தலைவர்கள் பெயர்கள் வெளியிடப்பட்டுள்ளதாக தெரிகிறது.

அந்த பட்டியலில் உலக தலைவர்களின் பெயர்கள் இடம் பெறச்செய்து அது இணையதளத்தில் வாக்கெடுப்பிற்கு விடப்படும்.

இணையதள வாக்கெடுப்பின் அடிப்படையில் மக்கள் மத்தியில் அதிக தாக்கத்தை ஏற்படுத்திய தலைவர்கள் தேர்வு செய்யப்படுவார்கள்.

தற்போது வெளியிடப்பட உள்ள பட்டியலில் பிரதமர் மோடி, அமெரிக்க அதிபர் டொனால்ட் டிரம்ப், ரஷ்ய அதிபர் புதின், பிரிட்டன் பிரதமர் தெரேசா மே, சீன அதிபர் ஜீ ஜின்பிங், மைக்ரோசாஃப்ட் சிஇஓ சத்யா நாதெள்ளா மற்றும் போப் பிரான்சிஸ் ஆகியோரின் பெயர்கள் இடம் பெற்றுள்ளதாக தகவல்கள் வெளியாகி உள்ளது.