ஐசிசி டி20 தரவரிசை பட்டியல்: முதல்முறையாக முதலிடத்தை பிடித்த அணி -

ஐசிசி வெளியிட்டுள்ள டி20 அணிகளுக்கான தரவரிசை பட்டியலில் பாகிஸ்தான் முதலிடத்தை பிடித்துள்ளது.
டி20 போட்டிகளின் சிறந்த அணிகளுக்கான தரவரிசை பட்டியல் தற்போது வெளியிடப்பட்டுள்ளது.

இதுவரை டி20 போட்டிகள் வரலாற்றில் முதலிடத்தை பிடிக்காத பாகிஸ்தான் அணி முதல்முறையாக அந்த இடத்தை பிடித்துள்ளது.
இதுநாள் வரை நியூசிலாந்து அணி முதலிடத்தில் இருந்தது, இந்நிலையில் சமீபத்தில் நடந்த இந்தியா- நியூசிலாந்து அணிகள் இடையிலான முதல் டி20 போட்டியில் நியூசிலாந்து தோற்றது.

இதன் காரணமாக அந்த அணியின் புள்ளிகள் குறைந்ததால் இரண்டாமிடத்திலிருந்த பாகிஸ்தான் தற்போது முதலிடத்தை பிடித்துள்ளது.
புதிய பட்டியலின் படி பாகிஸ்தான் 124 புள்ளிகளும், நியூசிலாந்து 121 புள்ளிகளும் பெற்றுள்ளன.
மூன்றாமிடத்தில் இருக்கும் மேற்கிந்திய தீவுகள் 120 புள்ளிகளை பெற்றுள்ளது, பட்டியலில் இந்தியா ஐந்தாவது இடத்திலும், இலங்கை எட்டாவது இடத்திலும் உள்ளது.