இலங்கையில் நாளொன்றுக்கு எவ்வளவு பெற்றோல் தேவைப்படுகிறது தெரியுமா? -

நாளொன்றுக்கு 2500 முதல் 2700 மெற்றிக்தொன் அளவு பெற்றோல் இலங்கையில் தேவைப்பாடு உள்ளதாக இலங்கை பெற்றோலிய கூட்டுத்தாபனத்தின் முகாமைத்துவ பணிப்பாளர் சஞ்சீவ விஜேரத்ன தெரிவித்துள்ளார்.

குறித்த அளவான பெற்றோலை நாடுமுழுவதும் விநியோகிக்க நடவடிக்கை எடுக்கப்பட்டுள்ளதாகவும் அவர் தெரிவித்துள்ளார்.

நாட்டில் ஏற்பட்டுள்ள பெற்றோல் விநியோகம் தொடர்பான பிரச்சினையால், வாகன சாரதிகள் பெரும் அசௌகரியங்களை எதிர்நோக்கியுள்ளனர்.
பெற்றோல் நிரப்புவதற்காக, பெற்றோல் நிரப்பும் நிலையங்களில் வாகனங்கள் நீண்ட வரிசையில் காத்திருப்பதால் நாட்டின் பல பாகங்களிலும் பாரிய வாகன நெரிசல் ஏற்பட்டு, மக்களின் அன்றாட வாழ்க்கை பாதிக்கப்பட்டுள்ளது.

எனினும், இந்தப் பிரச்சினைக்கு தீர்வுகாண அரசாங்கம் உரிய நடவடிக்கை எடுக்காததால், மக்கள் பெரும் அதிருப்தி வெளியிட்டு வருகின்றனர்.