கொரோனாவால் 24 மணி நேரத்தில் 41 லிருந்து 148 ஆக அதிகரித்த உயிர்பலி: இத்தாலி அமைச்சர் தகவல் -

இத்தாலியில் கொரோனா வைரஸ் தொற்றுநோயால் இறந்தவர்களின் எண்ணிக்கை கடந்த 24 மணி நேரத்தில் 148 ஆக அதிகரித்துள்ளது.
இத்தாலியில் கொரோனா வைரஸ் நோயால் (COVID-19) இறந்தவர்களின் எண்ணிக்கை கடந்த 24 மணி நேரத்தில் 41-லிருந்து 148 ஆக அதிகரித்துள்ளது. மொத்த பாதிக்கப்பட்டவர்களின் எண்ணிக்கை 3,800 ஐ தாண்டியுள்ளது என்று தேசிய சிவில் பாதுகாப்பு அமைப்பின் தலைவர் ஏஞ்சலோ பொரெல்லி வியாழக்கிழமை தெரிவித்தார்.

குணமடைந்து வெளியேற்றப்பட்டவர்களின் எண்ணிக்கை 138-லிருந்து 414 ஆக உயர்ந்துள்ளது. இறந்தவர்கள் அனைவரும் 66 முதல் 94 வயதுடையவர்கள்.
மீண்டவர்கள், இறந்தவர்கள் உட்பட COVID-19 வைரஸால் பாதிக்கப்பட்டவர்களின் மொத்த எண்ணிக்கை 3,858 ஐ எட்டியுள்ளது என்று தெரிவித்துள்ளார்.

தற்போதைய நிலவரப்படி, உலகளவில் 101,955 கொரோனா வழக்குகள் பதிவாகியுள்ளன. இறந்தவர்களின் எண்ணிக்கை 3,466 ஐ எட்டியுள்ளது. அதே நேரத்தில், சுமார் 56,123 பேர் மீண்டுள்ளனர்.
முன்னதாக னாவில் COVID-19 க்கு எதிரான தடுப்பூசியின் மருத்துவ பரிசோதனைகள் பெரும்பாலும் ஏப்ரல் மாத இறுதியில் தொடங்கும் என்று சீன அறிவியல் மற்றும் தொழில்நுட்ப துணை மந்திரி சூ நான்பிங் கூறியிருந்தது குறிப்பிடத்தக்கது.