2வது நாளாகவும் மக்கள் நடமாட்டம் இன்றி மன்னார் மாவட்டம் எவரும் கைது செசய்யப்படவில்லை- படம்

மன்னார் மாவட்ட மக்கள் பொலிஸ் ஊரடங்குச் சட்டத்திற்கு கடந்த வெள்ளிக்கிழமை மாலை 6 மணி முதல் தற்போது வரை பூரண ஒத்துழைப்பை வழங்கி வருகின்றனர்.
குறித்த ஊரடங்குச் சட்டம் நாளை திங்கட்கிழமை காலை 6 மணி வரை அமுலில் இருக்கும்.

-இன்றைய தினம் ஞாயிற்றுக்கிழமை காலை முதல் மன்னார் மாவட்டம் மக்கள் நடமாட்டம் இன்றி அமைதியான முறையில் காணப்படுகின்றது.காத்தோழிக்க தேவாலயங்களில் எவ்வித ஆராதனைகளும் இடம் பெறவில்லை.மக்கள் வீடுகளிலே முடங்கிய நிலையில் உள்ளனர்.

-பொலிஸார், இராணுவம் மற்றும் கடற்படையினர் விசேட பாதுகாப்பு நடவடிக்கைகளில் ஈடுபட்டு வருகின்றனர்.

மக்கள் பாதுகாப்பு தரப்பினருக்கு பூரண ஒத்துழைப்பை வழங்கி வருகின்றனர். இது வரை ஊரடங்குச் சட்டத்தை மீறினார்கள் என்ற குற்றச்சாட்டில் எவரும் கைது செசய்யப்படவில்லை என்பது குறிப்பிடத்தக்கது.