மன்னார் பேசாலை பகுதியில் புதையல் தோண்டும் நடவடிக்கையில் ஈடுபட்ட 6 பேர் கைது.......
மன்னார் பேசாலை பொலிஸ் பிரிவுக்குற்பட்ட பேசாலை யூட்ஸ் வீதி
பற்றைக் காட்டுப் பகுதியில் புதையல் தோண்டும் நடவடிக்கையில் ஈடுபட்ட 6
நபர்கள் கைது செய்யப்பட்டுள்ளதோடு, அவர்கள் புதையல் எடுக்க பயன்படுத்திய
நவீன கருவி ஒன்றும் மீட்கப்பட்டுள்ளது.
பேசாலை
பதில் பொலிஸ் பொறுப்பதிகாரிக்குக் கிடைக்கப்பெற்ற தகவலின் அடிப்படையில்
கடந்த சனிக்கிழமை இரவு 9 மணியளவில் குறித்த பகுதியில் சந்தேகத்திற்கிடமாக
புதையல் தோண்டும் நடவடிக்கையில் ஈடுபட்ட அனுராதபுரம் பகுதியைச் சேர்ந்த 4
நபர்களும் பேசாலை பொலிஸ் பிரிவுக்குற்பட்ட நடுக்குடா மற்றும் வசந்தபுரம்
பகுதியைச் சேர்ந்த 2 நபர்களும் பேசாலை பொலிஸரினால் கைது செய்யப்பட்டதோடு,
அவர்களிடம் இருந்து நவீன கருவி ஒன்றையும் பொலிஸார் மீட்டுள்ளனர்.
கைது
செய்யப்பட்ட குறித்த 6 நபர்களும் பேசாலை பொலிஸ் நிலையத்தில் தடுத்து
வைக்கப்பட்டு விசாரனைக்கு உற்படுத்தப்பட்ட நிலையில் நேற்று ஞாயிற்றுக்கிழமை
மாலை மன்னார் பதில் நீதவான் முன்னிலையில் ஆஜர்படுத்தப்பட்டனர்.
இதன் போது குறித்த 6 சந்தேக நபர்களையும் பிணையில் செல்ல அனுமதிக்கப்பட்டமை குறிப்பிடத்தக்கது...
மன்னார் பேசாலை பகுதியில் புதையல் தோண்டும் நடவடிக்கையில் ஈடுபட்ட 6 பேர் கைது.......
Reviewed by Author
on
June 15, 2020
Rating:

No comments:
Post a Comment