தாதியர் நாளை 1 மணித்தியால வேலை நிறுத்தம்

நாடு முழுவதும் 100 வைத்தியசாலைகளிலுள்ள தாதியர்கள் ஒரு மணி நேர வேலைநிறுத்தத்தில் ஈடுபட முடிவு செய்துள்ளனர். நண்பகல் 12.00 மணி முதல் பிற்பகல் 1.00 மணி வரை வேலை நிறுத்தம் நடைபெறும் என அரச தாதியர் சங்கத் தலைவர் சமன் ரத்னப்பிரிய தெரிவித்தார். 

 எமது கோரிக்கைகளுக்கு அரசாங்கம் திருப்தியான பதிலளிக்காததால் இந்நடவடிக்கை எடுக்கப்படுவதாக அவர் கூறினார். எனினும் அத்தியாவசிய சிகிச்சை சேவைகளில் பணிகளைத் தொடர தாதியர் கடமையில் இருப்பர் என சமன் ரத்னப்பிரிய மேலும் கூறினார்.