கனகராயன்குளம் பகுதியில் கோர விபத்து; பேருந்துக்குக் காத்திருந்த பெண் பலி

கனகராயன்குளம் பகுதியில் இடம்பெற்ற விபத்தில் பெண் ஒருவர் சம்பவ இடத்திலேயே உயிரிழந்துள்ளதாகத் தெரிவிக்கப்பட்டுள்ளது. இந்தச் சம்பவம் இன்று காலை 9.00 மணியளவில் இடம்பெற்றதாகவும் தெரிவிக்கப்பட்டுள்ளது. வவுனியா கனகராயன்குளம் பகுதியில் காலை யில் பேருந்துக்காக காத்திருந்த பெண்(33 வயது) மீது பாரவூர்தியொன்று மோதியதில் அப்பெண் சம்பவ இடத்திலேயே உயிரிழந் துள்ளார். 

சம்பவம் தொடர்பில் மேலும் தெரியவருவதாவது; கனகராயன்குளம் பகுதியில் பேருந்திற்காக காத்திருந்த தந்தையும் மகளும் அவ்வீதியால் வந்துகொண்டிருந்த பேருந்தை வழிமறித்து அதில் ஏற முற்பட்டுள்ளனர். இதன்போது வவுனியாவில் இருந்து யாழ். நோக்கிச் சென்று கொண்டிருந்த பாரவூர்தி கட்டுப்பாட்டை இழந்து இருவரையும் மோதியுள்ளது. விபத்தில் பேருந்திற்காக காத்திருந்த சிவசுப்பிரமணியம் சிந்துஜா வயது 33 என்ற பெண் சம்பவ இடத்திலேயே உயிரிழந்துள்ளார். 

அவரது தந்தை படுகாயமடைந்த நிலையில் கிளிநொச்சி மாவட்ட வைத்தியசாலையில் அனுமதிக்கப்பட்டுள்ளார். பாரவூர்தி அதி வேகமாக வந்த நிலையில் வேகத்தைக் கட்டுப்படுத்த முடியாது விபத்து இடம்பெற்றி ருக்கலாம் என பொலிஸார் தெரிவித்தனர். கனகராயன்குளம் பொலிஸார் மேலதிக விசாரணைகளை முன்னெடுத்து வருகின்றனர்.