உலக எண்ணெய் விலை உச்சத்தை தொட்டது

உலக சந்தையில் பிரண்ட் மசகு எண்ணெய் பீப்பாய் ஒன்றின் விலை 5.8% அதிகரித்துள்ளதாக சர்வதேச ஊடகங்கள் செய்தி வெளியிட்டுள்ளன. அதன்படி, பிரென்ட் மசகு எண்ணெய் பீப்பாய் ஒன்றின் விலை 111.09 டொலராக நிர்ணயிக் கப்பட்டது. ஜூலை 2014க்குப் பிறகு ஒரு பீப்பாய் ப்ரென்ட் மசகு எண்ணெய்க்கான அதிகபட்ச விலை இதுவாகும். 

இதேவேளை வெஸ்ட் டெக்சாஸ் இன்டர்மீடியட், ஒரு பீப்பாய் 6% உயர்ந்து 109.30 டொலராக அதிகரித்துள்ளது. இது 2013 ஆம் ஆண்டிலிருந்து இதுவரை பெறப்பட்ட அதிகபட்ச விலையாகும். உலக மசகு எண்ணெய் விலை கடுமையாக உயர்ந்து வருவதைக் கட்டுப்படுத்த கச்சா எண்ணெய் உற்பத்தியாளர்கள் 60 மில்லியன் பீப்பாய் மசகு எண்ணெயை வெளியிட ஒப்புக்கொண்டதையடுத்து இந்த விலை உயர்வு ஏற்பட்டுள்ளதாக வெளிநாட்டு ஊடகங்கள் செய்தி வெளியிட்டுள்ளன.