விபத்தில் சிறுமி ஒருவர் பலி

தனமல்வில உடவலவ வீதியில் 34 கிலோமீற்றர் கட்டை பகுதியில் இடம்பெற்ற வாகன விபத்தில் சிறுமி ஒருவர் உயிரிழந்துள்ளார். தனமல்விலவில் இருந்து உடவலவை நோக்கி பயணித்த முச்சக்கரவண்டி, எதிர்திசையில் வந்த மோட்டார் சைக்கிளுடன் நேருக்கு நேர் மோதி விபத்துக்குள்ளானதாக பொலிஸார் தெரிவித்தனர். 

 விபத்தில் பலத்த காயமடைந்த முச்சக்கர வண்டியின் பின்னால் பயணித்த சிறுமி தனமல்வில வைத்தியசாலையில் அனுமதிக்கப்பட்ட பின்னர் உயிரிழந்துள்ளார். உயிரிழந்தவர் ஊவா, குடாகம, தனமல்வில பகுதியைச் சேர்ந்த 14 வயதுடைய சிறுமி என அடையாளம் காணப்பட்டுள்ளார். மோட்டார் சைக்கிளில் பயணித்தவர் மற்றும் முச்சக்கர வண்டியின் சாரதி ஆகியோர் காயமடைந்த நிலையில் தனமல்வில வைத்தியசாலையில் அனுமதிக்கப்பட்டுள்ளனர்.