பஸ் கட்டணம் 35 சதவீதம் உயர்த்தப்பட்டது

எரிபொருள் விலை அதிகரிக்கப்பட்டுள்ளதை அடுத்து 35 வீதத்தால் பஸ் கட்டணத்தை அதிகரிக்க தீர்மானிக்கப்பட்டுள்ளது. 20 ரூபாவாக இருந்த குறைந்தபட்ச கட்டணம் 27 ரூபாவாக அதிகரிக்கப்படுவதாக போக்குவரத்து அமைச்சர் திலும் அமுனுகம தெரிவித்துள்ளார். 

இந்த விலை அதிகரிப்பு தனியார் மற்றும் இலங்கை போக்குவரத்து சபை பஸ்களுக்கும் பொருந்தும் எனவும் அமைச்சர் மேலும் தெரிவித்தார். எரிபொருள் விலையேற்றம் காரணமாக பல பிரதேசங்களில் பஸ் உரிமையாளர்கள் இன்று (19) ஆர்ப்பாட்டத்தில் ஈடுபட்டதுடன் சில பகுதிகளில் தனியார் பஸ்கள் சேவையை நிறுத்தியுள்ளமை குறிப்பிடத்தக்கது.