40,000 மெட்ரிக் தொன் பெற்றோலை ஏற்றிய கப்பலின் வருகை ஒரு நாள் தாமதம்

40,000 மெட்ரிக் தொன் பெற்றோலை ஏற்றிய கப்பலின் வருகை ஒரு நாள் தாமதமாகியுள்ளது. இந்தப் பெற்றோல் ஏற்றுமதி இன்று அதிகாலை கொழும்புத் துறைமுகத்தை வந்தடையவிருந்தது. கால தாமதம் காரணமாக மட்டுப்படுத்தப்பட்ட பெற்றோல் இருப்புகள் மாத்திரமே இன்றும் நாளையும் சந்தைக்கு வெளியிடப்படும் என மின்சக்தி மற்றும் எரிசக்தி அமைச்சர் காஞ்சன விஜேசேகர தெரிவித்துள்ளார்.

 நாடு முழுவதும் ஒட்டோ டீசல் முழு அளவில் விநியோகிக்கப்படுகிறது என்றும் அமைச்சர் தெரிவித்தார். மட்டுப்படுத்தப்பட்ட சுப்பர் டீசலை மாத்திரமே இன்று சந்தைக்கு வெளியிட முடியும். இதேவேளை பெற்றோல் இறக்குமதிக்கு மேலதிகமாக, டீசல் ஒரு தொகுதி நாளை நாட்டுக்கு வரும் என எதிர்பார்க்கப்படுகிறது.