தேசிய எரிபொருள் அனுமதிப்பத்திரம்: 4 மில்லியன் வாகனங்கள் பதிவு

தேசிய எரிபொருள் அனுமதிப்பத்திரத்திற்காக இதுவரை 4,296,950 வாகனங்கள் பதிவு செய்யப்பட்டுள்ளதாக மின்சக்தி மற்றும் எரிசக்தி அமைச்சர் கஞ்சன விஜேசேகர தெரிவித்துள்ளார். அமைச்சர் தமது ட்விட்டர் தளத்தில் இதனை குறிப்பிட்டுள்ளார். இதற்காக பதிவு செய்வதற்கு தொடர்ந்தும் சந்தர்ப்பம் வழங்கப்படுவதாக அமைச்சு குறிப்பிட்டுள்ளது. 

 இதேவேளை, வாகனங்களின் இறுதி இலக்கத்திற்கு அமையவும் தேசிய எரிபொருள் அனுமதிப்பத்திரத்திற்கு அமையவும் இன்றும்(28) நாடளாவிய ரீதியில் எரிபொருள் விநியோகிக்கப்படுகின்றது. இன்றைய(28) தினம் 3, 4 மற்றும் 5 ஆகிய இலக்கங்களை கொண்ட வாகனங்களுக்கு எரிபொருள் விநியோகிக்கப்படுகிறது. தொடர்ந்தும் எரிபொருள் விநியோகிக்கப்படுகின்ற போதிலும் வீதிகளில் வாகனங்களின் வரிசைகள் நீள்கின்றன.