பிரிட்டனில் வரலாறு காணாத கடும் வறட்சி: பாலைவனமானது தேம்ஸ் நதி

பிரிட்டனில் வரலாறு காணாத வெப்பம் காரணமாக நாட்டின் பெரும்பாலான பகுதிகள், மற்றும் லண்டன் நகரம் கடும் வறட்சி பாதித்த பகுதியாக அறிவிக்கப்பட்டுள்ளது. ஐரோப்பிய நாடான பிரிட்டனில் கடந்த ஜூலை முதல் வாரத்தில் வரலாறு காணாத வகையில் கடும் வெப்பம் ஏற்பட துவங்கியது. தேம்ஸ் நதி உள்ளிட்ட பல்வேறு ஆறுகள், நீர்நிலைகள் அனைத்தும் வறண்டு பாலைவனமாக காட்சியளிக்கிறது. 

 இதையடுத்து பிரிட்டன் அரசு தேசிய அவசர நிலையை பிரகடனம் செய்தது. கடும் வெப்பம் காரணமாக முதன் முறையாக சிவப்பு எச்சரிக்கை விடுத்தது வானிலை மையம். இந்நிலையில் பிரிட்டனில் தெற்கு, தென்மேற்கு, மத்திய பிரிட்டன் பகுதிகள் கடும் வறட்சி பாதித்த பகுதிகளாகவும், லண்டன் நகரம் முழுதும் வறட்சி பகுதிகளாக அறிவிக்கப்பட்டுள்ளது. லண்டனில் குடிநீர் பஞ்சம் ஏற்பட்டுள்ளது.