கொழும்பு-07 வாகன விபத்தில் 24 வயது இளைஞன் பலி

கொழும்பு 07, கறுவாத்தோட்டம் விஜேராம சந்தியில் நேற்று (06) இரவு இடம்பெற்ற வாகன விபத்தில் 24 வயதுடைய இளைஞர் ஒருவர் உயிரிழந்துள்ளார். ரொஸ்மீட் பிளேஸில் இருந்து விஜேராம சந்தி நோக்கிப் பயணித்த மோட்டார் சைக்கிளை, பின்னால் வந்த வாகனம் மோதியதில் இந்த விபத்து இடம்பெற்றுள்ளதாக பொலிஸார் தெரிவித்தனர். அதிக வேகம் காரணமாக மோட்டார் சைக்கிள் மீது வாகனம் மோதியதாக அவர்கள் தெரிவித்தனர்.

 உயிரிழந்தவர் கிராண்ட்பாஸ் பகுதியைச் சேர்ந்தவர் என அடையாளம் காணப்பட்டுள்ளார். சாரதி மதுபோதையில், கவனக்குறைவாக வாகனத்தைச் செலுத்தியமை மற்றும் வாகனத்தை ஓட்டும் போது கவனக்குறைவாக இருந்தமை ஆரம்பக் கட்ட விசாரணைகளில் தெரியவந்துள்ளதாக பொலிஸார் தெரிவித்தனர். வாகனத்தின் சாரதி கைது செய்யப்பட்டுள்ளதுடன், கறுவாத்தோட்டம் பொலிஸார் மேலதிக விசாரணைகளை மேற்கொண்டு வருகின்றனர்.