பாராளுமன்றத்தின் மாதாந்த மின்சார கட்டணம் 6 மில்லியன் ரூபா!

பாராளுமன்றத்தின் மாதாந்த மின்சார கட்டணம் 6 மில்லியன் ரூபா என ஐக்கிய மக்கள் சக்தியின் கம்பஹா மாவட்ட பாராளுமன்ற உறுப்பினர் அஜித் மான்னப்பெரும தெரிவித்துள்ளார். புதுப்பிக்கத்தக்க ஆற்றல் திட்டங்கள் தொடர்பில் மின்சக்தி மற்றும் எரிசக்தி அமைச்சர் காஞ்சன விஜேசேகரவிடம் நேற்று கேள்வி எழுப்பிய போதே அவர் மேற்கண்டவாறு தெரிவித்துள்ளார். மின்சாரக் கட்டணக் குறைப்பு தொடர்பில் சமூகத்தில் கருத்துக்கள் முன்வைக்கப்பட்டு வரும் இவ்வேளையில், நாட்டுக்கே முன்னுதாரணமாக பாராளுமன்றத்தில் மின்சாரக் கட்டணத்தைக் குறைத்து சூரிய சக்தி மூலம் மின்சாரம் தயாரிக்கும் திட்டம் பாராளுமன்றத்தில் ஆரம்பிக்கப்பட வேண்டுமெனவும் அவர் தெரிவித்துள்ளார்.