இலங்கையில் 2024ஆம் ஆண்டில் சிறுவயது கர்ப்பங்கள் அதிகரிப்பு

 இலங்கையில் இளம் கர்ப்பங்களின் எண்ணிக்கை 2024 ஆம் ஆண்டில் 213 ஆக உயர்ந்துள்ளதாக சிறுமிகள் மற்றும் பெண்கள் மீதான துஷ்பிரயோகம் தொடர்பான புலனாய்வுப் பணியகத்தின் தலைவரான டி.ஐ.ஜி ரேணுகா ஜெயசுந்தர தெரிவித்தார்.

”2023 ஆம் ஆண்டில் 167  என்ற எண்ணிக்கையில் இருந்து 2024 இல் 213 ஆக சிறுவயது கர்ப்பங்கள் அதிகரித்துள்ளன.

இருப்பினும், சிறுமிகள் மீதான பாலியல் துஷ்பிரயோகத்தின் ஒட்டுமொத்த சம்பவங்கள் இரண்டு ஆண்டுகளுக்கு இடையில் ஒப்பீட்டளவில் மாறாமல் உள்ளன.

கடந்த இரண்டு ஆண்டுகளாக தரவுகளைப் பார்க்கும்போது, ​​குறிப்பிடத்தக்க குறைவு அல்லது அதிகரிப்பு எதுவும் இல்லை.

உதாரணமாக, பாலியல் துஷ்பிரயோகம் இலங்கையில் அடிக்கடி பதிவாகிறது. அவற்றில், காதல் உறவுகளுக்குப் பிறகு 16 வயதுக்குட்பட்ட பெண்கள் பாலியல் பலாத்காரம் செய்யப்படுவது மிகவும் பொதுவாகப் பதிவாகும் குற்றமாகும், இது பெரும்பாலான சந்தர்ப்பங்களில், சம்மதத்துடன் நிகழ்கிறது.

2023 ஆம் ஆண்டில் 1,237 சம்பவங்களும், 2024 இல் 1,254 சம்பவங்களும் இவ்வாறு பதிவாகியுள்ளன.” என்றும் அவர் கூறியுள்ளார்.