மன்னார் நகரசபைக்குட்பட்ட முச்சக்கர வண்டிகள் அனைத்தும் உடன் நகர சபையில் பதியப்பட வேண்டும்-நகர பிதா

மன்னார் நகரசபைக்குட்பட்ட பகுதிகளில் உள்ள முச்சக்கர வண்டிகளை அதன் உரிமையாளர்கள் மன்னார் நகர சபைக்கு வந்து உடன் பதிவுகளை மேற்கொள்ளுமாறு மன்னார் நகர சபையின் தலைவர் எஸ்.ஞானப்பிரகாசம் வேண்டு கோள் விடுத்துள்ளார்.

-மன்னார் நரகசபைக்குட்பட்ட பகுதிகளில் மக்கள் தமது சொந்த தேவைக்காகவும்,தொழில் ரீதியாகவும் பயன்படுத்தப்படும் அனைத்து முச்சக்கர வண்டிகளுமே உடன் பதிவு செய்யப்பட வேண்டும் என அவர் தெரிவித்தார்.

பதிவு செய்யப்படுகின்ற அனைத்துமுச்சக்கர வண்டிகளுக்கும் விசேட பதிவு இலக்கங்களும் வழங்கப்படவுள்ளது.

-தற்போது மன்னாரில் முச்சக்கர வண்டி சாரதிகள் சிலரினால் பயணிகளுக்கு அசௌகரியங்கள் விளைவிக்கப்படுவதோடு குற்றச் செயல்களும் இடம் பெற்று வருகின்றது.

எனவே குறித்த செயற்பாடுகளில் ஈடுபடும் முச்சக்கர வண்டிகளை அடையாளம் காண்பதற்காகவும் குறித்த பதிவுகள் உதவியாக இருக்கும் என நகர சபையின் தலைவர் எஸ்.ஞானப்பிரகாசம் மேலும் தெரிவித்தார்.

                                         

                                                                         நகர நிருபர்