அமைச்சர் மஹிந்த அமரவீர மன்னார் விஜயம்.- படங்கள் இணைப்பு

அனார்த்த முகாமைத்துவ அமைச்சர் மஹிந்த அமர வீர ஒரு நாள் விஜயம் ஒன்றை மேற்கொண்டு மன்னார் வருகை தந்த நிலையில் இன்று சனிக்கிழமை காலை மன்னார் மாவட்டச் செயலகத்தில் விசேட கூட்டம் ஒன்று இடம் பெற்றது.


குறித்த சந்திப்பின் போது வன்னி மாவட்ட பாராளுமன்ற உறுப்பினர் எம்.பி.பாரூக்,மன்னார் மாவட்ட அரசாங்க அதிபர் சரத் ரவீந்திர,அனார்த்த முகாமைத்துவ அமைச்சின் பணிப்பாளர்,பிரதேச செயலாளர்கள்,அமைச்சின் இணைப்பாளர்கள்,கிராம சேவகர்கள்,நகர சபை,பிரதேச சபைகளின் தலைவர்கள் உள்ளிட்ட பலர் கலந்து கொண்டிருந்தனர்.


இதன் போது மன்னார் மாவட்ட அனார்த்த முகாமைத்துவ மைச்சின் இணைப்பாளர் முகமட் றியாஸ் அவர்களினால் மன்னார் மாவட்டத்தில்  ஏற்பட்ட அனார்த்தம் தொடர்பில் விளக்கமளிக்கப்பட்டது.

குறிப்பாக பலற்ற காற்று மற்றும் கடல் நீர் கிராமங்களுக்குள் செல்வது தொடர்பிலும் இதனால் மக்களுக்கு ஏற்படும் பிரச்சினைகள் தொடர்பிலும் விளக்கமளிக்கப்பட்டது.


இதனைத் தொடர்ந்து அமைச்சர் மஹிந்த அமர வீர அவர்களினால் தெரிவு செய்யப்பட்ட அதிகாரிகளுக்கு அனார்த்த்தின் போது பயண்படுத்தக்கூடிய கருவிகளும் வழங்கி வைக்கப்பட்டது.

(மன்னார் நகர நிருபர்- திவ்வியா)