மன்னாரில் வெகு சிறப்பாக இடம் பெற்ற சமாதான தின நிகழ்வுகள்.

உலக சமாதான தினத்தையொட்டி மன்னார் ஆர்.பி.ஆர்.நிறுவனமானது மன்னார் நானாட்டான் ம.வி பாடசாலையிலும்,மன்னார் சமாதான அமைப்பு மன்னாரிலும் நேற்று சனிக்கிழமை(22-09-2012) காலை வெகு சிறப்பாக சமாதான நிகழ்வென்றை நடாத்தியது. சர்வதேச சமூகமானது 21-09-2012 அன்று சர்வதேச சமாதானத்தை நினைவு கூறுகின்றது. இதற்கிணங்க மனனாரில் நேற்று; சனிக்கிழமை (22-09-2012) காலை மன்னார் சமாதான அமைப்பின் தலைவர் பீ.ஏ.அந்தேனி மார்க் தலைமையில் சமாதான நிகழ்வுகள் இடம் பெற்றது.


காலை 10 மணியளவில் மன்னார் பிரதான பாலத்திற்கு முன் ஆரம்பமான சமாதானப்பேரணி பிரதான வீதியூடாக சென்று மன்னார் நகர சபை மண்டபத்தை வந்தடைந்தது. இதனைத்தொடர்ந்து பல்வேறு தரப்பினர்களினால் சாமாதானம் தொடர்பாக உரை நிகழ்த்தப்பட்டது.இதன் போது மன்னார் நகர சபை தலைவர் எஸ்.ஞானப்பிரகாசம்,உபதலைவர் ஜேம்ஸ் ஜேசுதாஸ்,மதத்தலைவர்கள்,மன்னார் பிரதேச சபையின் உப தலைவர் ஏ.சகாயம்,பெண்கள் அமைப்பின் தலைவி,பொலிஸ் அதிகாரிகள் ஆகியோர் விருந்தினர்களாக கலந்து கொண்டனர்.

 இதன் போது மன்னார் செஞ்சிலுவைச்சங்கத்தின் பணியாளர்களும் கலந்து கொண்டனர்.பேரணியினைத்தொடர்ந்து கலந்து கொண்ட மக்களுக்கு சமாதானம் தொடர்பான கருத்தரங்கும் இடம் பெற்றது. இதே வேளை மன்னார் ஆர்.பி.ஆர்.அமைப்பு ஏற்பாடு செய்திருந்த சமாதான தின நிகழ்வுகள் நேற்று சனிக்கிழமை காலை 9 மணி தொடக்கம் மாலை 2 மணிவரை மன்னார் நானாட்டான் ம.வி பாடசாலையில் இடம் பெற்றது. குறித்த நிகழ்வின் போது பல கலை நிகழ்வுகளும் இடம் பெற்றது.

 குறித்த நிகழ்விற்கு பிரதம விருந்தினராக மன்னார் மாவட்ட மேலதிக அரசாங்க அதிபர் திருமதி ஸ்ரான்லி டி மேல்,கௌரவ விருந்தினர்களாக ஆர்.பி.ஆர்.அமைப்பின் தலைவர் சட்டத்தரணி எம்.எம்.சபுருதின்,முசலி பிரதேசச் செயலாளர் எஸ்.கேதீஸ்வரன்,மடு உதவி அரசாங்க அதிபர் எப்.சி.சத்திய சோதி,நானாட்டான் பிரதேசச் செயலாளர் சீ.ஏ.சந்திரையா,மன்னார் பிரதி திட்டமிடல் அதிகாரி எஸ்.யோகநாதம்,யு.என்.எச்.சி.ஆர்.பொறுப்பதிகாரி அப்பூவி ஜோன் வோஜா ஆகியோர் உற்பட நூற்றுக்கணக்கான  சமாதான ஆர்வலர்களும் கலந்து கொண்டனர்.

மன்னார் நகர நிருபர்