சவுதி ஆரேபியாவில் சிரைச்சேதம் செய்யப்பட்ட றிசானா நபீக்கிற்கு மன்னார் நகரசபையில் அனுதாவப்பிரேரணை நிறைவேற்றம்.

சவுதி அரேபியாவில் பணிப்பெண்ணாக பணி புரிந்த வேளை குழந்தை ஒன்றை கொன்றார் என்ற குற்றச்சாட்டில் மரண தண்டனை விதிக்கப்பட்டு சிரைச்சேதம் செய்யப்பட்ட றிசானா நபீக்கிற்கு மன்னார் நகரசபையில் நேற்று வியாழக்கிழமை அனுதாவப்பிரேரணை  நிறைவேற்றப்பட்டது.


 மன்னார் நகர சபையின் பொதுக்கூட்டம் நகர சபையின் தலைவர் எஸ்.ஞானப்பிரகாசம் தலைமையில் நடைபெற்ற பொழுது மன்னார் நகர சபையின் ஆளும் தரப்பு உறுப்பினர் எஸ்.ரெட்ணசிங்கம் குமரேஸ் சவுதி அரேபியாவில் சிரைச்சேதம் செய்யப்பட்ட றிஸானா நபீக் மீதான அனுதாப பிரேரணையை முன்வைத்தார்.

 -இந்த நிலையில் நேற்று வியாழக்கிழமை மன்னார் நகர சபை அமர்வில் கலந்து கொண்ட உறுப்பினர்கள் அனைவரும் குறித்த அனுதாப பிரேரணையை ஏகமனதாக ஏற்றுக்கொண்டதையடுத்து றிஸானா  நபீக்கிற்கான அனுதாபப்பிரேரணை ஏகமனதாக நிறைவேற்றப்பட்டது. இதே வேளை குறித்த கூட்டத்தில் மன்னார் நகர சபையின் மாதாந்த வருமானத்தை அதிகரித்தல்,பொது மயானங்கள்,சேமக்காலை,முஸ்ஸிலிம் மையவாடிகள் போன்றவற்றை புனரமைப்புச் செய்து அதனை தொடர்ச்சியாக பராமரிப்பது தொடர்பில் உறுப்பினர்கள் நீண்ட நேரம் கலந்துரையாடினர்.

 மேலும் மன்னார் நகர சபையின் எல்லைகளை உரிய முறையில் நிர்மாணிப்பது தொடர்பிலும் விரிவாக ஆராயப்பட்டது. இதன் போது குறித்த கூட்டத்தில் மன்னார் நகர சபையின் செயலாளர் திருமதி குரூஸ்,நகர சபை உப தலைவர் ஜேம்ஸ் ஜேசுதாஸ்,ரெட்ணசிங்கம் குமரேஸ்,நிலாம்தீன் நகுசீன்,எஸ.பிருந்தாவனநாதன்,மெரினஸ் பெரேரா மற்றும் நகர சபையின் முகாமைத்துவ உதவியாளர் செல்வி ஜீ.அன்டனிட்டா ஆகியோர் கலந்து கொண்டனர்.