மன்னார் நகரசபையின் உள்ளூராட்சி வார நிகழ்வுகள் .- படங்கள்

2013 ம் ஆண்டுக்கான உள்ளூராட்சி வார நிகழ்வுகளையொட்டி நேற்று திங்கட்கிழமை மன்னார்

நகரசபை நிர்வாக எல்லைக்குட்பட்ட மூர்வீதி கிராமத்தில் மூர்வீதி வரியிருப்பாளருக்கு நன்மை பயக்கத்தக்கதான நடமாடும் சேவை ஒன்றினை மன்னார் நகரசபை ஏற்பாடு செய்தது .

 இந் நிகழ்வானது ஏற்கனவே மன்னார் நகரசபையின் வருமான அதிகரிப்பு மற்றும் அதன் சிறப்பான துரித சேவை என்பவற்றைக் கருத்திற் கொண்டு ஆசிய மன்றத்தினால் சபையின் வருமானப் பகுதி கனணி மயப்படுத்தப்பட்டதற்கமைய அதன் பேரிலான சேவையினை மக்கள் பெற்றுக் கொள்ளக் கூடிய ஒரு நிகழ்வாகவும் அமையப் பெற்றது .

மன்னார் நகரசபையின் செயலாளர் எல் . றெனால்ட் பிறிற்றோ அவர்களது திட்டமிடல் மற்றும் வழிகாட்டலின் கீழ் சபை உத்தியோகத்தர்களின் பங்களிப்புடன் நடமாடும் சேவையின் நிகழ்வுகள் நேற்று திங்கட்கிழமை காலை மன்னார் மூர்வீதி கிராமத்தில் இடம் பெற்றது .

குறித்த நிகழ்வின் ஆரம்ப வைபவத்திற்கு மன்னார் நகர சபை தலைவர் எஸ் ஞானப்பிரகாசம் அவர்களும்இமன்னார் பிராந்திய உள்ளூராட்சி உதவி ஆணையாளர் எம்.ஏ. ஜே துரம் அவர்களும் ; . . கலந்து சிறப்பித்தனர் .

காலை 9.00 மணிமுதல் மாலை 3 மணி வரை நடை பெற்ற குறித்த நடமாடும் சேவையில் குறித்த பகுதி வரியிருப்பாளர்களுக்கு சோலைவரி , துவிச்சக்கர வண்டி உரிமம் , வியாபார உரிமம் , பொது முறைப்பாடுகள் மற்றும் நிலுவை அறவீடுகள் போன்ற சேவைகள் வழங்கப்பட்டன .

 சுமார் 150 பொதுமக்கள் வரை கலந்து கொண்டு பயனடைந்த இந் நடமாடும் சேவையின் போது பொதுமக்களது பல்வேறு பிரச்சினைகள் தீர்த்துவைக்கப்பட்டதுடன் சபைக்குரிய நிலுவைகள் ரூ .47.560.00 உம் குறித்த சந்தர்ப்பத்தில் அறவிடப்பட்டது .

உள்ளுராட்சி வார நிகழ்வுகள் நேற்று திங்கட்கிழமை தொடக்கம் 21.10.2013 ம் எதிர்வரும் ஞாயிற்றுக்கிழமை 27.10.2013 ம் திகதி வரை தேசிய ரீதியில் கொண்டாடப்படுகின்றமை குறிப்பிடத்தக்கது .