கிளிநொச்சி மாங்குளத்தில் இடம்பெற்ற விபத்தில் 5 பேர் பலி - படங்கள்

ஏ 9 வீதியின் கிளிநொச்சி , மாங்குளம் 233வது மைல்கல் பகுதியில் இன்று அதிகாலை இடம்பெற்ற வாகன விபத்தில் ஐந்து பேர் பலியானதாக பொலிஸார் தெரிவித்துள்ளனர்.

இன்று அதிகாலை 3 மணியளவில் இவ்விபத்து இடம்பெற்றுள்ளதாக குறிப்பிட்டுள்ள பொலிஸ் ஊடகப்பேச்சாளர் அஜித் ரோகண, பயணிகள் வான் ஒன்றும் டிப்பர் ஒன்றும் நேருக்கு நேர் மோதிக்கொண்டபோதே இந்த அனர்த்தம் ஏற்பட்டதாக தெரிவித்தார்.

சம்பவத்தின் போது 5 பேர் காயமடைந்தனர். உயிரிழந்தவர்களில் இருவர் சிறுவர்கள் என தெரிவிக்கப்படுகிறது.

வான் சாரதியின் கவனக் குறைவே இவ்விபத்துக்கான காரணமென பொலிஸ் ஊடகப்பேச்சாளர் கூறினார்.

அத்துடன், வான் சாரதி கைது செய்யப்பட்டுள்ளதாகவும் இது தொடர்பான மேலதிக விசாரணைகளை மேற்கொண்டுள்ளதாகவும் தெரிவித்தார்.

காணொளி பார்க்க