சென்னையில் லிங்கா ஷூட்டிங்

லிங்கா படத்தின் ஷூட்டிங் சென்னையில் தொடங்க இருக்கிறது. ரஜினிகாந்த் இரண்டு வேடத்தில் நடிக்கும் படம், லிங்கா. சோனாக்ஷி சின்கா, அனுஷ்கா அவர் ஜோடியாக நடிக்கின்றனர். கே.எஸ்.ரவிகுமார் இயக்குகிறார். 

இந்தப் படத்தின் ஷூட்டிங் மைசூரில் தொடங்கியது. பின்னர் ஐதராபாத்தில் உள்ள ராமோஜிராவ் பிலிம்சிட்டி மற்றும் அன்னப்பூர்ணா ஸ்டூடியோவில் பிரமாண்ட செட் அமைத்து படமாக்கப்பட்டு வந்தது. 

அங்கு நடந்த படப்பிடிப்பில் ரஜினி, அனுஷ்கா, சோனாக்ஷி, சந்தானம், தேவ் கில் உட்பட பலர் நடித்தனர். ஐதராபாத்தில் நடந்த ஷூட்டிங் முடிவடைந்ததை அடுத்து படக்குழு சின்ன பிரேக் எடுத்துள்ளது. அடுத்தக்கட்ட படப்பிடிப்பு சென்னையில் விரைவில் தொடங்க இருப்பதாகப் படக்குழுவினர் தெரிவித்தனர்.