சான்சுக்காக சைக்கிளில் சவாரி செய்த ஹீரோ

ஹீரோ சான்சுக்காக 6 மாதம் சைக்கிளில் சவாரி செய்தார் துருவா. துருவா, மிருதுளா, அனுமோல் நடிக்கும் புதிய படம் திலகர். ராஜேஷ் யாதவ் ஒளிப்பதிவு. கண்ணன் இசை. மதியழகன், ரம்யா தயாரிப்பு, ஆயுதங்களே மனிதனை தீர்மானிக்கிறது என்ற கருவை வைத்து உருவாகியுள்ள ஜி.பெருமாள் பிள்ளை டைரக்டு செய்கிறார். 

படம் பற்றி தயாரிப்பாளர் மதியழகன் கூறும்போது, இப்பட ஹீரோ துருவா அமெரிக்காவில் எம்எஸ் ஆர்க் படித்தார். சினிமா ஆர்வம் காரணமாக நடிக்க வந்தார். காரில் சென்றுகொண்டிருந்த அவரிடம் சகிப்புதன்மை இருக்கிறதா என்பதை சோதிக்க எண்ணிய இயக்குனர் 6 மாதம் வடபழனியிலிருந்து தி.நகருக்கு சைக்கிளில் சென்று வரக் கேட்டார். 

இடையில் பஸ்சில் பயணம் செய்யக்கூடாது என்று கண்டிஷன் போடப்பட்டது. அதன்படி அவர் நடந்தார். பிறகுதான் ஹீரோ வாய்ப்பு தரப்பட்டது. மிருதுளா, அனுமோல் மாறுபட்ட கதாபாத்திரத்தில் நடிக்கின்றனர். இதன் ஷூட்டிங் திருநெல்வேலியில் 75 நாட்கள் நடந்தது என்றார்