இந்திய சுழலில் சிக்கிய இலங்கை 183 ஓட்டங்களுக்குள் சுருண்டது...

இந்திய சுழற்பந்து வீச்சாளர்களின் பந்து வீச்சுக்கு தாக்குப்பிடிக்க தடுமாறிய இலங்கை அணி 183 ஓட்டங்களுக்குள் அனைத்து விக்கெட்டுகளையும் இழந்தது.

இலங்கை - இந்திய அணிகளுக்கிடையிலான முதலாவது டெஸ்ட் போட்டி இன்று காலி சர்வதேச அரங்கில் ஆரம்பமானது.

இப் போட்டியில் நாணயச்சுழற்சியில் வெற்றி பெற்ற இலங்கை அணி துடுப்பெடுத்தாட முடிவுசெய்தது.

அந்த வகையில் தனது முதலாவது இன்னிங்சுக்காக துடுப்பெடுத்தாடிய இலங்கை அணி இந்திய அணியின் சுழற்பந்து வீச்சுக்கு தாக்குப்பிடிக்க முடியாது 183 ஓட்டங்களுக்குள் அனைத்து விக்கெட்டுகளையும் இழந்தது.

இலங்கை அணி சார்பாக அணித் தலைவர் அஞ்சலோ மெத்தியுஸ் 64 ஓட்டங்களையும் சந்திமல் 59 ஓட்டங்களையும் பெற்றுக்கொடுத்தனர்.

இந்திய அணி சார்பாக சுழலில் மிரட்டிய அஸ்வின் 6 விக்கெட்டுகளையும் மிஸ்ரா 2 விக்கெட்டுகளையும் கைப்பறினர்.

இதேவேளை பதிலுக்கு துடுப்பெடுத்தாடிவரும் இந்திய அணி 6 ஓட்டங்களைப்பெற்றுள்ளது.