இன்னிங்ஸ் தோல்வியில் இருந்து மீண்டது இலங்கை : இந்திய அணிக்கு 176 ஓட்டங்கள் வெற்றி இலக்கு,,,

இலங்கை மற்றும் இந்திய அணிகளுக்கிடையிலான முதல் டெஸ்ட் போட்டியில் இந்திய அணிக்கு 176 ஓட்டங்கள் வெற்றி இலக்காக இலங்கை அணியினால் நிர்ணயிக்கப்பட்டுள்ளது.

இலங்கை மற்றும் இந்திய அணிகளுக்கிடையிலான முதல் டெஸ்ட் போட்டி காலி சர்வதேச விளையாட்டரங்கில் இடம்பெற்று வருகின்றது.

இப்  போட்டியில் நாணயச்சுழற்சியில் வெற்றி பெற்ற இலங்கை அணி முதலில்  தனது முதல் இன்னிங்ஸில் அனைத்து விக்கெட்டுகளையும் இழந்து 183 ஓட்டங்களை பெற்றுக்கொண்டது.

இந்நிலையில் பதிலுக்கு தனது முதலாவது இன்னிங்ஸில் துடுப்பெடுத்தாடிய இந்திய அணி அனைத்து விக்கெட்டுகளையும் இழந்து 375 ஓட்டங்களைப்பெற்று 192 ஓட்டங்களால் முன்நிலை பெற்றது.

192 ஓட்டங்களால் பின்னிலை வகித்த இலங்கை அணி தனது 2 ஆவது இன்னிங்ஸை ஆரம்பித்து. இலங்கை அணி தனது 2 ஆவது இன்னிங்ஸில் அனைத்து விக்கெட்டுகளையும் இழந்து 367 ஓட்டங்களைப்பெற்றுள்ளது.

இந்திய அணி வெற்றிபெறுவதற்கு 176 ஓட்டங்கள் தேவைப்பட்ட நிலையில் இன்று போட்டியின் மூன்றாவது நாளில்  தனது  2ஆவது இன்னிங்ஸில் துடுப்பெடுத்தாடி வருகின்றது.