2000 கர்ப்பிணிகளுக்கு ஸிகா வைரஸ் தாக்குதல்...

தென் அமெரிக்க நாடான கொலம்பியாவில் 20,297 பேருக்கு ஸிகா வைரசால் பாதிக்கப்பட்டுள்ளதாகவும், இதில் 2 ஆயிரத்து 116 பேர் கர்ப்பிணி பெண்கள்கள் என்றும் அந்நாட்டு சுகாதார நிறுவனம் அறிவித்துள்ளது.

தென் அமெரிக்கா, மத்திய அமெரிக்கா, கரிபீயன் நாடுகள் உட்பட இதுவரை 25 இற்கும் மேற்பட்ட நாடுகளில் ஸிகா வைரஸ் பாதிப்பு உள்ளது.

இந்த நாடுகளில் 40 இலட்சம் பேர் பாதிக்கப்பட்டுள்ளனர். இதில் பிரேசிலில் மட்டும் 15 இலட்சம் பேர் உள்ளனர்.

ஸிகா வைரஸ் பாதித்த கர்ப்பிணிகளுக்கு சிறிய தலை, மூளை வளர்ச்சியின்மை, பார்வை குறைபாடு, நரம்பு மண்டல பாதிப்பு உள்ளிட்ட பல பிரச்னைகளுடன் குழந்தைகள் பிறக்கின்றன.

இதனால் இப்போதைக்கு பெண்கள் கருவுற வேண்டாம் என பிரேசில் உள்ளிட்ட நாடுகள் அறிவுறுத்தியுள்ளது குறிப்பிடத்தக்கது.