உலக சாதனை லண்டனில் 153 கிலோ எடையில் ராட்சத சமோசா -

இங்கிலாந்தில் முஸ்லீம் தொண்டு நிறுவனம் ஒன்று 153.1 கிலோ எடையுள்ள மிகப்பெரிய சமோசா செய்து உலக சாதனை படைத்துள்ள சம்பவம் ஆச்சரியத்தை ஏற்படுத்தியுள்ளது.

153 கிலோ எடையில் ராட்சத சமோசா - லண்டனில் உலக சாதனை
லண்டன்:

இங்கிலாந்து தலைநகரான லண்டனில் உள்ள முஸ்லீம் தொண்டு நிறுவனம் ஒன்று உலக சாதனை முயற்சியில் ஈடுபட்டது. நேற்று லண்டனில் உள்ள ஒரு மசூதியில் பலர் இணைந்து உலகின் மிகப்பெரிய சமோசா செய்துள்ளனர்.

அவர்கள் 153.1 கிலோ எடையுள்ள, ஆசியாவில் பிரபல திண்பண்டமான சமோசா செய்து உலக சாதனை படைத்துள்ளனர். சமோசாவை கின்னஸ் அதிகாரிகள் சோதனை செய்தனர். அனைத்தும் சரியாக இருந்த பின்னர் உலகின் மிகப்பெரிய சமோசா என சான்றிதழ் வழங்கினர்.

இந்த ராட்சத சமோசாவை செய்வதற்கு 15 மணி நேரம் ஆனது. சோதனைக்கு பின்னர் சமோசாவை ஆதரவற்றவர்களுக்கு வழங்கியதாகவும் தொண்டு நிறுவனத்தினர் கூறினர்.