சத்து நிறைந்த பீன்ஸ் - தக்காளி சாலட்

தினமும் காலையில் சாலட் சாப்பிடுவது உடலுக்கு மிகவும் நல்லது. இன்று பீன்ஸ், தக்காளி வைத்து சத்தான சாலட் செய்வது எப்படி என்று பார்க்கலாம்.

சத்து நிறைந்த பீன்ஸ் - தக்காளி சாலட்
தேவையான பொருட்கள் :

பீன்ஸ் - 1 கப்,
எலுமிச்சை சாறு - 2 டீஸ்பூன்
ஆலிவ் ஆயில் - 2 டீஸ்பூன்
பூண்டு - 2 பல்
காய்ந்த பேசில் - அரை டீஸ்பூன்
உப்பு - சுவைக்கு
[பாட்டி மசாலா] மிளகு தூள் - கால் டீஸ்பூன்
தக்காளி - 2
வேர்க்கடலை - 2 டீஸ்பூன்

செய்முறை :

தக்காளியில் உள்ள விதையை எடுத்து விட்டு துண்டுகளாக வெட்டிக்கொள்ளவும்.

பூண்டை பொடியாக நறுக்கி கொள்ளவும்.

பீன்ஸை துண்டுகளாக வெட்டிக்கொள்ளவும்.

துண்டுகளாக நறுக்கிய பீன்ஸை 5 நிமிடம் ஆவியில் வேக வைத்து எடுக்கவும். அல்லது கொதிக்கும் நீரில் போட்டு வைக்கலாம். பீன்ஸ் நிறம் மாறக்கூடாது.

ஒரு பாத்திரத்தில் வேக வைத்த பீன்ஸ், பூண்டு, எலுமிச்சை சாறு, ஆலிவ் ஆயில், காய்ந்த பேசில், உப்பு, [பாட்டி மசாலா] மிளகு தூள், வேர்க்கடலை சேர்த்து நன்றாக கலக்கவும்.

கடைசியாக தக்காளி சேர்த்து கலந்து பரிமாறவும்.

சூப்பரான பீன்ஸ் - தக்காளி சாலட் ரெடி.