வட கொரிய அணு ஆயுத சோதனையால் பூமிக்கு ஆபத்து : சீன விஞ்ஞானிகள் தகவல்.

வட கொரியாவில் தொடர்ந்து நடைபெற்ற சோதனையால் அங்குள்ள நிலபகுதி சேதமடைந்துள்ளதாக இதனை ஆய்வு செய்த சீன விஞ்ஞானிகள் தெரிவித்துள்ளனர்.
சில நாட்களுக்கு முன் வட கொரியா அணு ஆயுத சோதனை ஒன்றை மேற்கொண்டது. வட கொரியாவின் பூங்கேரி என்ற இடத்தில் அமைந்துள்ள இந்த சோதனைத் தளத்தில் இதுவரை ஆறு முறை அணு ஆயுத சோதனை நடந்துள்ளன.

கடந்த செப்டம்பரில் நடத்தப்பட்ட சோதனைக்குப் பிறகு அடுத்தடுத்த அந்த இடத்திற்கு அருகில் நில அதிர்வு ஏற்பட்டுள்ளது.
இந்த ஆய்வுக் குழுவின் ஒருவரான முன்னணி எழுத்தாளர் Wen Lianxing, இது பற்றிக் குறிப்பிடுகையில் வடக்கு கொரியா மற்றொரு சோதனைக்காக அதே பகுதியை பயன்படுத்தினால், அது "சுற்றுச்சூழல் பேரழிவை ஏற்படுத்தும்." என்று குறிப்பிட்டுள்ளார்.

வட கொரியாவில் கடந்த காலத்தில் நடந்த அணு ஆயுத சோதனைகள் இப்பகுதியில் உள்ள டெக்டோனிக் அழுத்தத்தை மாற்றியுள்ளன.
ஆகவே எதிர்காலத்தில் மீண்டும் இது போன்ற சோதனை செய்தால் ,அதிலிருந்து என்ன விதமான குழப்பம் வேண்டுமானாலும் ஏற்படலாம்.
இது பூகம்பங்களை உருவாக்கும், டெக்டானிக் தட்டுகள் அழுத்தத்தால் அவை தங்களது சொந்த சக்தியால் பாதிக்கப்படலாம் அல்லது தற்போதைய அணுசக்தி சோதனை தளங்களை வெடிக்கச் செய்யவும் செய்யலாம் , "என்று தனது அறிக்கையில் வென் குறிப்பிடுகிறார்.

சீனாவில் இருந்து 100 மைல் (160 கிலோமீட்டர்) தொலைவில் உள்ள பங்கிஜி-ரெய் மற்றும் எல்லையில் வசிக்கும் வசிப்பவர்கள் செப்டம்பர் அணுசக்தி பரிசோதனை மூலமாக சக்திவாய்ந்த நடுக்கம் உணர்ந்ததாக தெரிவித்தது குறிப்பிடத்தக்கது. அடுத்தடுத்து ஏதேனும் பரிசோதனை செய்வதால் கதிரியக்க பாதிப்புகள் ஏற்படலாம் என சீனா கவலைப்படுகிறது.

இந்நிலையில் தென் கொரியாவுடனான பேச்சு வார்த்தைக்குப் பின் கடந்த சனிக்கிழமை அன்று இனி அணு ஆயுத சோதனை நடத்தப்போவதில்லை என்றும் தனது அணு ஆயுத சோதனைக்கு காலத்தை மூடப் போவதாகவும் வடகொரியா அதிபர் கிம் ஜாங் உன் கூறியிருப்பது குறிப்பிடத் தக்கது.