வவுனியா பொது வைத்தியசாலைக்கு வடமாகாண சுகாதார அமைச்சர் விஜயம்

வடமாகாண சுகாதார அமைச்சர் வைத்திய கலாநிதி ஜீ.குணசீலன் திடீர் விஜயம் ஒன்றை மேற்கொண்டு சனிக்கிழமை 22-09-2018 காலை வவுனியா பொது வைத்தியசாலைக்கு சென்றிருந்தார்.
வவுனியா பொது வைத்தியசாலை தொடர்பாக பல்வேறு முறைப்பாடுகள் மக்களினால் அமைச்சரின் கவனத்திற்கு கொண்டு செல்லப்பட்ட நிலை அமைச்சர் வைத்தியசாலையில் உள்ள பிரச்சினைகளை ஆராய சென்றிருந்தார்.

இதன் போது உணவகம், நோயாளர் விடுதி,சமயல்அறை, மருந்தகம்,வெளிநோயாளர் பிரிவு உள்ளிட்ட பல்வேறு பகுதிகளுக்குச் சென்று பார்வையிட்டார்.இதன் போது சில குறைபாடுகள் கண்டு பிடிக்கப்பட்ட நிலையில், வவுனியா மாவட்ட பொது வைத்தியசாலையின் வைத்திய அத்தியட்சகருக்கு பிரச்சினைகள் குறித்து தெழிவு படுத்தப்பட்டது. வவுனியா வைத்திய சாலை தொடர்பான அவசர கலந்துரையாடல் ஒன்று எதிர்வரும் தினங்களில் வைத்தியர்கள், வைத்திய நிபுணர்களை இணைத்து கொண்டு வவுனியா மாவட்ட பொது வைத்தியசாலையில் இடம் பெறவுள்ளது.