சாதாரண தரப் பரீட்சைக்கான திகதி அறிவிப்பு!

2020ஆம் ஆண்டுக்கான கல்விப் பொதுத் தராதர சாதாரணதரப் பரீட்சைகளை எதிர்வரும் 2021 ஆம் ஆண்டு ஜனவரியில் நடத்தத் தீர்மானிக்கப்பட்டுள்ளது. இதன்படி, சாதாரண தரப்பரீட்சை 2021ஆம் ஆண்டு ஜனவரி 18 முதல் 28ஆம் திகதி வரை நடைபெறும் என அமைச்சர் ஜி.எல்.பீரிஸ் தெரிவித்துள்ளார். இதேவேளை, கொரோனா அச்சத்திற்கு மத்தியில் ஆரம்பிக்கப்பட்ட கல்விப் பொது தராதர உயர்தரப் பரீட்சைகள் இன்றுடன் நிறைவடைந்துள்ளன. 

 கொரோனா அச்சம் காணப்பட்ட போதிலும் கடந்த 12ஆம் திகதி முதல் இன்றுவரை குறித்த பரீட்சைகள் நடைபெற்றுள்ளன. இம்முறை பரீட்சைகளின் போது கொரோனா வைரஸ் தொற்றுக்குள்ளான மாணவர்கள் 29 பேர் ஐ.டி.எச். வைத்தியசாலையிருந்து பரீட்சைகளுக்குத் தோற்றியுள்ளனர் என்பது குறிப்பிடத்தக்கது.