180 அடி ஆழ ஆழ்துளை கிணற்றுக்குள் விழுந்த சிறுவன் உயிருடன் மீட்பு – இந்தியாவில் சம்பவம்

இந்தியாவில் ஆள்துளை கிணற்றுக்குள் விழுந்த 4 வயது சிறுவன் 8 மணிநேர தீவிர முயற்சிக்கு பின்னர் வெற்றிகரமாக மீட்கப்பட்டுள்ளான். உத்தரபிரதேச மாநிலம் ஆக்ராவின் புறநகரான பதேகாபாத்தில் நேற்று காலை 180 அடி ஆழமுள்ள ஆழ்துளை கிணற்றுக்குள் 4 வயது சிறுவன் தவறி விழுந்துள்ளான். அந்த கிணறு, அவனுடைய தந்தையால் வெட்டப்பட்டதாகும். 

 ஆழ்துளை கிணற்றில் 4 வயது சிறுவன் விழுந்த சம்பவம் தொடர்பாக பொலிஸாருக்கு தகவல் தெரிவிக்கப்பட்டதை தொடர்ந்து மீட்புப்பணி தொடங்கியது. தேசிய பேரிடர் மீட்புப்படையினர், இராணுவம் மற்றும் மாவட்ட நிர்வாகம் என அனைத்து தரப்பும் இணைந்து மீட்புப்பணியில் ஈடுபட்டனர். 8 மணி நேர தீவிர முயற்சிக்கு பின்னர் சிறுவன் சிவா உயிருடன் மீட்கப்பட்டான். மீட்கப்பட்ட சிறுவன் உடனடியாக அருகில் உள்ள வைத்தியசாலைக்கு கொண்டு செல்லப்பட்டு மருத்துவ கண்காணிப்பில் வைக்கப்பட்டுள்ளான்.