முழுமையாக தடுப்பூசியைப் பெற்றவர்களுக்கு தற்போது மூன்றாவது டோஸ் தேவையில்லை : மருத்துவர் சந்திம ஜீவந்தர

முழுமையாக தடுப்பூசியைப் பெற்றுக்கொண்டவர்கள் போதுமான அளவு பாதுகாக்கப்படுகிறார்கள். ஆகையால் தற்போது கொவிட் -19 தடுப்பூசியின் மேலதிக டோஸ் தேவையில்லை என மருத்துவர் சந்திம ஜீவந்தர தெரிவித்துள்ளார். இஸ்ரேல், பிரான்ஸ், ஜேர்மன், பிரிட்டன் மற்றும் பல மத்திய கிழக்கு நாடுகள் கொவிட் -19 தடுப்பூசியின் மூன்றாவது டோஸ் தொடர்பில் ஏற்கனவே திட்டமிட்டுள்ளன. 

இஸ்ரேல் தனது சனத்தொகையில் 57% ஆன மக்களுக்கு ஃபைசர்/பயோஎன்டெக் தடுப்பூசியை வழங்கியுள்ளது. பலவீனமானவர்கள் மற்றும் 60 வயதுக்கு மேற்பட்ட வர்களுக்கு தடுப்பூசியின் மூன்றாவது டோஸ் தொடர்பிலான பிரசாரத்தை ஆரம்பித்த முதல் நாடாக இஸ்ரேல் உள்ளது. அந்நாட்டின் ஜனாதிபதி ஜூலை இறுதியில் தடுப்பூசியின் மூன்றாவது டோஸை பெற்றுக்கொண்டுள்ளார் என்பது குறிப்பிடத்தக்கதாகும்.