மன்னாரில் தேசிய சமாதான பேரவையின் ஊடாக சுகாதார பொருட்கள் கையளிப்பு

நாடளாவிய ரீதியில் கொரோன ஊரடங்கு தளர்த்தப்படுள்ள நிலையில் அரச மற்றும் அரச சார்பற்ற நிறுவனங்கள் மீள் ஆரம்பிக்கப்பட்டுள்ளதை தொடர்ந்து மக்கள் மற்றும் அதிகாரிகளின் சுகாதார நிலையை கருத்தில் கொண்டு தேசிய சமாதான பேரவை மற்றும் தொடர்பாடலுக்கான நிலையம் (CCT) இணைந்து ஒரு தொகுதி சுகாதார பொருட்களை மன்னார் மாவட்ட அரசாங்க அதிபரிடம் கையளித்துள்ளனர். 

 மன்னார் மாவட்டத்தில் மத நல்லிணக்க செயற்பாடுகளில் ஈடுபட்டு வரும் தேசிய சமாதான பேரவை மற்றும் தொடர்பாடலுக்கான நிலையம் இணைந்து சுகாதார உடைகள், தான் இயங்கி கை சுத்திகரிப்பான், கிருமி தொற்று நீக்கிகள் ,கிருமி தொற்று விசிரிகள் அடங்கிய ஒரு தொகுதி பொருட்களை கையளித்துள்ளனர் குறித்த பொருட்கள் கையளிக்கும் நிகழ்வில் மன்னார் மாவட்ட அரசாங்க அதிபர், மன்னார் நகர் பிரதேச செயலாளர்,மாவட்ட திட்டமிடல் பணிப்பாளர்,பிரதேச செயலக உதவி திட்டமிடல் பணிப்பாளர், தொடர்பாடலுக்கான நிலைய மாவட்ட இணைப்பாளர் தேசிய சமாதான பேரவையின் பிரதிநிதிகள் ,மற்றும் உறுப்பினர்கள் இணைந்து பொருட்களை கையளித்துள்ளனர்.